/ / / / / / PNG Barramundis igat Bikpela Win Agensim Indonesia

PNG Barramundis igat Bikpela Win Agensim Indonesia

, , , ,
LISMORE (AUSTRALIA) - Ol Digicel PNG Barramundis i bin gat bikpela win agensim Indonesia long T-20 gem long Lismore long New South Wales long Australia.

Ol PNG Barramundis i stap long tupela mak long winim East Asia Pacific T-20 regional championship bibain long bikpela win blong ol agensim Indonesia dispela morning.

PNG ibin paitim 250 ran long 20-pela ova na long bekim, ol Indonesia i paitim 65 ran tasol na PNG i bolim olgeta aut.

Dispela i namba tri win blong ol Barramundis bihain ol ibin winim Cook Islands na Fiji aste.

Assistant Coach, Rarua Dikana i tok ol i hamamas long tripela win blong ol pinis, tasol ol i laik long putim olgeta tingting blong ol long ol i mas winim dispela rijinal kompetisan long i go gen long Cricket World Cup. [RadioAustralia]
Share 2 WA Share 2 G+

0 comments:

Post a Comment

Subscribe to: Post Comments ( Atom )