Koros Bihain long Kilim Dai blong 10 Pela Pipol long Hela Provins ino Stret Yet

POT MOSBI - Ol polis na komiuniti lida i wok long traim stretim yet heve namel long ol Wapiago na Tapamu wanpisin long Hela Provins long PNG  bihain long sampla ibin  kilim dai 10 pela pipol long wik igo pinis.

Pait ibin kamap bihain long wanpela man i sutim tok long pipol blong narapela vilis olsem ol ibin stilim pik blongen long naba 18 long dispela mun.

Acting Provincial Police Commander blong Hela Provins, Chief Superintendent Mark Yangen itok ol i arestim pinis wanpela man em oli ting ibin stilim pik na tupela man husat i kilim dai tupela meri.

Tasol Mr Yangen i tok ol i laik long olgeta arapela husat i stap insait long dai long tupela sait wantaim long ol imas givim ol iet  long polis.

Em i tok ol polis blongen wantaim help blong soldia blong PNG Defence Force i wok long traim long stretim sindaun long komiuniti we em i tok  ples stap olsem bikpla trabal i nap kamap longen oa emi "very tense" yet. [ABC]
Share 2 WA Share 2 G+

0 comments:

Post a Comment