Ol West Papua freedom sapota long Port Moresby ibin wok had long mekim ol Papua New Guinea otoriti i larim wanpela international lida blong ol, Benny Wenda i stap fri long kantri.
Ol PNG Immigresen otoriti i tokim Mr Wenda taim em i kamap long Jacksons Airport aste olsem gavman ibin banim oa stopim em long go insait long kantri.
Wanpela West Papua lida long PNG, Fred Mambrasar i tok Mr Wenda i go long Port Moresby long toktok wantaim gavman long sapotim aplikesen blong ol West Papua long joinim Melanesian Spearhead Group.
Mr Mambrasar i tok ol immigresen i banim em long wanem ol ibin reisim Morning Star flag blong West Papua long ofis blong gavana Powess Parkorp long 2013.
Inap long dispela apinun, Mr Mambrasar na ol West Papua sapota i traim had yet long mekim ol otoriti i larim Benny Wenda i fri long toktok wantaim gavman. [RadioAustalia]
0 comments:
Post a Comment