Naup Waup i Helpim ol Turangu Lain long Australia

MELBOURNE (AUSTRALIA) - Dispela em i stori blong wanpela artist blong PNG husat i save peint i helpim sampela homeless oa turangu lain long wanpela hap blong Melbourne long Australia.

Despla Artist, Naup Waup isave helpim ol turangu pipal, we ol i gat sik long het na oli save raon raon nating long street.

Naup Waup ikam long Morobe provins na emi wanpla mansave long mekim painting, mekim ol samting long han na holim ol exhibition oa sho em planti pipal isave go lukim.

Waup i save skulim ol despla Homeless pipal long wei blong Art, aninit long wanpla progrem em oli kolim long Cohealth Arts long Footscray.

Emi tok sampla long ol despla pipal, em ol blong Africa husat ikam long ol kantri em ol bikpla fait isave kamap long ol, olsem long Sudan we oli save fosim ol pikinini long kamap olsem ol child soljia. [RadioAustralia]
Share 2 WA Share 2 G+

0 comments:

Post a Comment