POT MOSBI - Top N Shop Vipers i pinis long namba tri ples long lata bilong Digicel Kap resis long dispela yia 2013, ol bin flai go long Rabaul long wiken go pinis long pilaim namba tu tim long lata Gurias tasol bin lus long dispela pilai. Dispela wiken bai ol pilai long hom graun long Pot Mosbi wantaim ol Enga Mioks long lukim husat tim bai pilai long narapela raun na husat bai hangamapim su bilong ol. Vipers i gat planti long ol gutpela pilaia, na planti bilong ol tu i stap insait long trening skwad bilong Kumuls.
Tasol long taim bilong pilai, planti bilong ol save mekim wankain rong long pilai graun na dispela save mekim ol lus. Vipers save pilai gut long namba wan hap bilong pilai na dispela save helpim ol long win plati taim. Long namba tu hap bilong pilai, planti rong save i kamap we ol save givim planti penolti, dropim ol bal na difens bilong ol i save go daun olsem na planti tim i save winim ol long namba tu hap tasol. Vipers nidim tru disaplin long winim gem namel long ol na Mioks long dispela wiken. Sapos disaplin bilong ol i orait na hom graun tu i helpim, bai ol i winim dispela pilai bilong ol. Mioks tu bai no inap isi long Vipers. Ol tu bai tingting long go insait long narapela raun bilong fainel long bungim lusa bilong Gurias na Lahanis we ol bai pilai long Goroka dispela wiken. Mioks bin kam bek strong tru long pilai bilong ol wantaim Snax Tigers long wiken go pinis long Pot Mosbi. Tigers bin go pas long poin wantaim 10-pela minit bipo long pilai pinis Mioks kam wantaim tupela trai long winim pilai bilong ol. Dispela wiken Vipers na Mioks bai brukim bun long Pot Mosbi na Gurias bai flai go long Goroka long bungim maina primias Lahanis. Wina bilong tupela bai go wetim gren fainel na lusa bai kam bungim wina bilong Vipers na Mioks, lusa bilong Vipers na Mioks bai hangamapim su. [WantokNiuspepa]
Tasol long taim bilong pilai, planti bilong ol save mekim wankain rong long pilai graun na dispela save mekim ol lus. Vipers save pilai gut long namba wan hap bilong pilai na dispela save helpim ol long win plati taim. Long namba tu hap bilong pilai, planti rong save i kamap we ol save givim planti penolti, dropim ol bal na difens bilong ol i save go daun olsem na planti tim i save winim ol long namba tu hap tasol. Vipers nidim tru disaplin long winim gem namel long ol na Mioks long dispela wiken. Sapos disaplin bilong ol i orait na hom graun tu i helpim, bai ol i winim dispela pilai bilong ol. Mioks tu bai no inap isi long Vipers. Ol tu bai tingting long go insait long narapela raun bilong fainel long bungim lusa bilong Gurias na Lahanis we ol bai pilai long Goroka dispela wiken. Mioks bin kam bek strong tru long pilai bilong ol wantaim Snax Tigers long wiken go pinis long Pot Mosbi. Tigers bin go pas long poin wantaim 10-pela minit bipo long pilai pinis Mioks kam wantaim tupela trai long winim pilai bilong ol. Dispela wiken Vipers na Mioks bai brukim bun long Pot Mosbi na Gurias bai flai go long Goroka long bungim maina primias Lahanis. Wina bilong tupela bai go wetim gren fainel na lusa bai kam bungim wina bilong Vipers na Mioks, lusa bilong Vipers na Mioks bai hangamapim su. [WantokNiuspepa]
0 comments:
Post a Comment