POS MOSBI - Lanim gutpela pasin long ol yangpela, em i bikpela toktok bilong Wol Yut De, i bin kamap long Ogas 12. I bin gat olsem 50 lain i kam bung long Kumul Rum bilong Holide Inn long Fraide, 16 Ogas long tingim Wol Yut De. Ol sumatin bilong Jubilee Sekenderi Skul, Pot Mosbi Nesenel Haiskul na Gordons Sekenderi i kamap wantaim ol narapela yanpela memba bilong Yut Adolesens Helt klab.
Wanpela yangpela meri bilong Paradais Haiskul, Talitha Siraba, i bin autim wanpela toktok i autim hevi bilong Vailens Egens Wimen na gels. Talitha Siraba em i wanpela smatpela meri i stap long gret 10 long Paradais Hai Skul, na long las yia em i bin kamap namba tu ples long resis bilong autim toktok, bikos spis bilong em i bin toktok long hevi bilong vailens egens wimen na gels.
“Yumi i no wok long mekim samting tru long stopim dispela pasin nogut bilong vailens egens wimen long PNG. PNG meri i save kisim bikpela hevi na kaikai bagarap long han bilong ol man long PNG. Pret i save rausim rait bilong ol yangpela na bikpela meri long raun fri insait long komyuniti,” Mis Siraba i tok. Pasin bilong vailens i save kisim olgeta, tasol planti taim ol man i save kamapim moa bagarap long ol meri.
Yang Wimen Kristen Asosiesen (YWCA) I wok bung wantaim Yunaitet Nesens na Yut Adolesens Helt (YAH) i bin redim dispela kibung. Minista bilong Komyuniti Divelopmen, Loujaya Toni, Ekting Komisina bilong Yut, Norit Luio, ol hetmeri bilong YWCA, PEAN, Yut, Meri na Sios wantaim Komisina bilong Yut, na ol opisa bilong UNICEF na Amerika Embesi i bin kamap long dispela kibung tu. “Stilman i save kam long stilim, kilim na bagarapim man, tasol Jisas i kam long givim gutpela laip i stap oltaim.”
Misis Anne Kerepia, hetmeri bilong YWCA i autim dispela tok bilong Jon sapta 10 na lain 10 long strongim namba wan tingting bilong dispela de taim em i opim de wantaim prea. “Save bai i lukautim ol yangpela na bai ol i ken karim dispela kantri i go het. Em i wok bilong yumi long was gut long ol yangpela bilong yumi,” em i tok. Dispela em i namba 3 taim nau long YAH klab i go pas long selebretim Wol Yut De.
YAH em i wanpela ogenaisesen bilong ol yangpela long helpim ol long lainim ol toktok bilong marit, kamapim pikinini na long lukautim helt bilong ol. YAH em i ogenaisesn bilong helpim ol yangpela long ol i ken bringim ol narapela lain bilong ol long lainim gutpela pasin bilong laip. YWCA i save lukautim dispela ogenaisesen na i save sponsa long wanpela progrem long redio ol i kolim, “Tok Stret progrem.”
David Rupa i makim maus bilong ol YAH long toktok na em i tok, “Ol yangpela i stap long pasin bilong raun i go i kam. Planti i save bungim planti salens long taim bilong wokabaut. Ol yanpela meri i save bungim pasin nogut i bagarapim ol”.
“Insait long PNG, populesen i wok long go antap na em i gat mak long laip bilong ol yanpela tu. Ol skul spes i sot na ol sumatin i sindaun bung, na planti i les long skul bikos ol i painim taim long skul gut,” em i tok moa.
“Bai yumi stopim dispela hevi olsem wanem? Ol pipel i sutim tok long ol yangpela na ol yangpela i sutim tok long ol papamama.”
“Yumi olgeta luksave long wok bilong yumi wan wan long rausim dispela hevi na mekim wok bilong yumi. Ol bikpela lain i mas kisim ol yut na laikim ol na ol bai lainim pasin bilong laikim ol narapela na kamap gutpela sitisen.” Mista Rupa i tok. [WantokNiuspepa]
Wanpela yangpela meri bilong Paradais Haiskul, Talitha Siraba, i bin autim wanpela toktok i autim hevi bilong Vailens Egens Wimen na gels. Talitha Siraba em i wanpela smatpela meri i stap long gret 10 long Paradais Hai Skul, na long las yia em i bin kamap namba tu ples long resis bilong autim toktok, bikos spis bilong em i bin toktok long hevi bilong vailens egens wimen na gels.
“Yumi i no wok long mekim samting tru long stopim dispela pasin nogut bilong vailens egens wimen long PNG. PNG meri i save kisim bikpela hevi na kaikai bagarap long han bilong ol man long PNG. Pret i save rausim rait bilong ol yangpela na bikpela meri long raun fri insait long komyuniti,” Mis Siraba i tok. Pasin bilong vailens i save kisim olgeta, tasol planti taim ol man i save kamapim moa bagarap long ol meri.
Yang Wimen Kristen Asosiesen (YWCA) I wok bung wantaim Yunaitet Nesens na Yut Adolesens Helt (YAH) i bin redim dispela kibung. Minista bilong Komyuniti Divelopmen, Loujaya Toni, Ekting Komisina bilong Yut, Norit Luio, ol hetmeri bilong YWCA, PEAN, Yut, Meri na Sios wantaim Komisina bilong Yut, na ol opisa bilong UNICEF na Amerika Embesi i bin kamap long dispela kibung tu. “Stilman i save kam long stilim, kilim na bagarapim man, tasol Jisas i kam long givim gutpela laip i stap oltaim.”
Misis Anne Kerepia, hetmeri bilong YWCA i autim dispela tok bilong Jon sapta 10 na lain 10 long strongim namba wan tingting bilong dispela de taim em i opim de wantaim prea. “Save bai i lukautim ol yangpela na bai ol i ken karim dispela kantri i go het. Em i wok bilong yumi long was gut long ol yangpela bilong yumi,” em i tok. Dispela em i namba 3 taim nau long YAH klab i go pas long selebretim Wol Yut De.
YAH em i wanpela ogenaisesen bilong ol yangpela long helpim ol long lainim ol toktok bilong marit, kamapim pikinini na long lukautim helt bilong ol. YAH em i ogenaisesn bilong helpim ol yangpela long ol i ken bringim ol narapela lain bilong ol long lainim gutpela pasin bilong laip. YWCA i save lukautim dispela ogenaisesen na i save sponsa long wanpela progrem long redio ol i kolim, “Tok Stret progrem.”
David Rupa i makim maus bilong ol YAH long toktok na em i tok, “Ol yangpela i stap long pasin bilong raun i go i kam. Planti i save bungim planti salens long taim bilong wokabaut. Ol yanpela meri i save bungim pasin nogut i bagarapim ol”.
“Insait long PNG, populesen i wok long go antap na em i gat mak long laip bilong ol yanpela tu. Ol skul spes i sot na ol sumatin i sindaun bung, na planti i les long skul bikos ol i painim taim long skul gut,” em i tok moa.
“Bai yumi stopim dispela hevi olsem wanem? Ol pipel i sutim tok long ol yangpela na ol yangpela i sutim tok long ol papamama.”
“Yumi olgeta luksave long wok bilong yumi wan wan long rausim dispela hevi na mekim wok bilong yumi. Ol bikpela lain i mas kisim ol yut na laikim ol na ol bai lainim pasin bilong laikim ol narapela na kamap gutpela sitisen.” Mista Rupa i tok. [WantokNiuspepa]
0 comments:
Post a Comment