You Are Here: Home» australia , bougainville , pot mosbi » PNG Oposisan i koros long toktok blong Australia long opim ofis long Bougainville

POT MOSBI - Tupela wantaim long gavman na oposisan long Papua New Guinea palamen i autim tok koros blong tupela long ol toktok olsem Australia bai opim wanpela ofis blongen long Bougainville.

Papua New Guinea oposisan i tok Australia i krangi tru long tingting long opim wanpla foran ofis blong en long Autonomas Bougainville rijan long Papua New Guinea.

Lida blong oposisan, Don Polye i mekim despla toktok bihaenim ol ripot olsem Australia gavman ibin tokaut long budget long tunde nait olsem em bai opim faifpla foran ofis, na wanpla long ol despla ofis bai stap long Bougainville.

Mr Polye i tok Bougainville i stap yet olsem hap blong Papua New Guinea.

Em i tok dispela kain toktok blong Australia em i rong long taim we ol pipol blong Bougainville ino vout yet long Independens.

Foran Minista blong PNG Rimbink Pato itok emi no wanbel tru wantem despla tingting blong Australia, long wonem Bougainville emi hap iet blong PNG.

Ol pipal long Bougainville i mekim ileksan nau em aninit long en bai redim ol pipal long rot blong mekim vout blong painim sopos oli laikim indipendans oa nogat. [ABC]

No comments:

Post a Comment