You Are Here: Home» fred mambrasar , melanesia sperhead group , politik , pot mosbi » Fred Mambrasar : Ol MSG lida i Noken Harim Gris Toktok blong Indonesia

POT MOSBI - Ol lida blong Melanesia ino ken harim ol gris toktok blong Indonesia na larim emi bagarapim tingting blong ol Melanesian pipal blong West Papua i joinim Melanesian Spiahed Grup (MSG).

Despla em askim blong Fred Mambrasar, Free West Papua Campaign-Papua New Guinea Coordinator bihaenim ol nius ripot olsem Indonesia iwok long strongim nau ol wokbung wantem ol Melanesian kantri.

Mr Mambrasar i mekim despla toktok bihaen long Indonesian foran minista Retno LP Marsudi ibin tokim Foran Minista blong Vanuatu Sato Kilman olsem Indonesia igat bikpla namba tru long ol Melnaensian pipal winim olgeta Melanesian pipal long Pacific.

Toktok blong Foran Minista Marsudi ibin kamap tu long wankaen taem we ol memba kantri blong MSG nau i redi long application blong ol west papua pipal long joinim Melanesian Spiahed Grup.

Mrs Marsudi ibin mekim despla toktok blong en long namba 60 miting blong Asian-African Conference Commemoration long wik igo pinis.

Ol Foran Minista blong ol MSG kantri ibin stap tu long despla miting long Jakarta. [RadioAustralia]

No comments:

Post a Comment