POT MOSBI - Stat yet long 2003 taim ol bin statim PNG Gems ol o pilai, klostu olgeta provins i wok long lukluk moa long ol Provinsel Gem long makim ol tim bai go insait long PNG Gems. Bihain long namba 5 PNG Gems, mi luksave olsem ol Provinsel Gavman i tromoim bikpela mani na ol risos long hostim o lukautim ol Provinsel Gem.
Gutpela plen mi lukim olsem i no inap westim bikpela mani em long holim ol Distrik Gem na em bai pulim ol gutpela lain i gat save long pilai.
Bilong holim ol Distrik Gem, ol pipel i gat trening long dispel eria aninit long atoriti bilong Distrik Edministresen wantaim ol Distrik Komyuniti Divelopmen Opisa bai karimaut.
Tasol pastaim, ol Komyuniti Divelopmen Opisa i mas kisim trening long plenim “event” o ol pilai olsem distrik gem, na menesim tu. Ol Komyuniti Divelopmen Opisa bai trenim ol Wod divelopmen opisa, sapos ol i gat ol kain opisa olsem.
Taim ol i gat inap save woklain, ol bai wokim plening bilong ol distrik gem. Na tokim ol olsem “timing” o samting i kamap long taim, o bihainim taim i bikpela samting. Taim eksasais i kamap, i nogat planti mani long sapotim wok plening, kos tasol we komiti i gat long en em long lojistik kos o kos bilong baim trenspot long en we bai kos 30 o 40 gren.
Ol i mas putim insait long anuel baset o mani plen bilong ol long wan wan yia. Bikpela samting we dispela plen bai pulim em long ol nupela gutpela pilaia i save hait i stap long ol wod na ol LLG. Dispela em as tingting we ol bin statim PNG Gems long yia 2008.
Dispela tingting na plen i kamapim sans long painim ol nupela pilaia long ol LLG na ol Wod husat bai go pilai long ol nesenel na intanesenel gem i kam i nap nau. PNG Gems i no soim yet dispela samting long ples klia.
Liklik lain pilaia tasol we i hait i stap em Nesenel Federesen i kisim ol. Ol Provinsel Edministresen i mas lukim dispela olsem rot long sevim kos na tu, kisim tingting long kisim Distrik Edministresen i go pas long ogenaisim ol distrik gem. Namba wan provins i go hetim dispel plen em long Sandaun Provins we ol i luksave long kos na ol talen o ol nupela pilaia long LLG na Wod level.
Planti gutpela samting i ken kamap sapos ol i bihainim plen na go hetim. Larim ol distrik i kamap papa bilong plen na ol i ken amamas taim em i karim kaikai. [WantokNiuspepa]
Gutpela plen mi lukim olsem i no inap westim bikpela mani em long holim ol Distrik Gem na em bai pulim ol gutpela lain i gat save long pilai.
Bilong holim ol Distrik Gem, ol pipel i gat trening long dispel eria aninit long atoriti bilong Distrik Edministresen wantaim ol Distrik Komyuniti Divelopmen Opisa bai karimaut.
Tasol pastaim, ol Komyuniti Divelopmen Opisa i mas kisim trening long plenim “event” o ol pilai olsem distrik gem, na menesim tu. Ol Komyuniti Divelopmen Opisa bai trenim ol Wod divelopmen opisa, sapos ol i gat ol kain opisa olsem.
Taim ol i gat inap save woklain, ol bai wokim plening bilong ol distrik gem. Na tokim ol olsem “timing” o samting i kamap long taim, o bihainim taim i bikpela samting. Taim eksasais i kamap, i nogat planti mani long sapotim wok plening, kos tasol we komiti i gat long en em long lojistik kos o kos bilong baim trenspot long en we bai kos 30 o 40 gren.
Ol i mas putim insait long anuel baset o mani plen bilong ol long wan wan yia. Bikpela samting we dispela plen bai pulim em long ol nupela gutpela pilaia i save hait i stap long ol wod na ol LLG. Dispela em as tingting we ol bin statim PNG Gems long yia 2008.
Dispela tingting na plen i kamapim sans long painim ol nupela pilaia long ol LLG na ol Wod husat bai go pilai long ol nesenel na intanesenel gem i kam i nap nau. PNG Gems i no soim yet dispela samting long ples klia.
Liklik lain pilaia tasol we i hait i stap em Nesenel Federesen i kisim ol. Ol Provinsel Edministresen i mas lukim dispela olsem rot long sevim kos na tu, kisim tingting long kisim Distrik Edministresen i go pas long ogenaisim ol distrik gem. Namba wan provins i go hetim dispel plen em long Sandaun Provins we ol i luksave long kos na ol talen o ol nupela pilaia long LLG na Wod level.
Planti gutpela samting i ken kamap sapos ol i bihainim plen na go hetim. Larim ol distrik i kamap papa bilong plen na ol i ken amamas taim em i karim kaikai. [WantokNiuspepa]
0 comments:
Post a Comment