You Are Here: Home» australia , foren minista , nius , tony burke » Australia Govt Itok ol Toktok Ikam Long Indonesia Itok Nupela Asailam Polisi Iwok

SYDNEY (AUSTRALIA) - Foran Minista blong Australia Tony Burke itok ol asailam sika istap long Indonesia nau iwok long sensim tingting blong ol long traim kisim trip long bot ikam long Australia na i askim ol pipol smugglers long givim bek moni blong ol.

Mr Burke itok dispela nupela ol toktok i soim stret olsem nupela polisi blong Labour long salim ol refugi igo long narapela kantri i wok.

Ol Asailam sika long Indonesia nau iwok long sensim tingting blong ol long traim kisim ol dispela trip nogut ikam long Australia na i askim ol pipol smuggler long givim bek moni blong ol. Dispela em toktok ikam long Immigraisen Minista Tony Burke.

Emi tok ol dispela  nupela toktok i soim olsem dispela nupela polisi blong Labour long putim ol asailam sika long narapela kantri iwok .

Em itok oli bin kisim planti ol toktok olsem ikam long Indonesia we ol refugi nau iwok long askim ol pipol smugglers long givim bek moni blong ol.

Em igo hed na itok dispela i soim tru olsem ol pipol long hap i stat nau long kisim klia toksave long dispela nupela loa.

Aninit  long nupela polisi blong Australia gavaman em Praim Minista Kevin Rudd ibin tokaut long en klostu tripela wik igo pinis wanem ol asailam sika em oli kam kamap long bot bai oli jekim ol long Papua New Guinea na bai istap long hap sapos oli painim ol olsem oli trupela refugi.

Na wankain tok orait olsem Australia i kamapim pinis wantaim Nauru.

Mr Burke itok dispela nupela polisi i stat long poretim sampela asailam sika,tasol ino tok klia hamas long ol i kamapim tingting long go hed long mekim dispela trip ikam long Australia.

Emi tok long olgeta tingting oli ibn traim bifo, wantaim pipol smugglers,dispela i soim klia olsem wanpela wei long bagarapim tingting blong ol em long stopim rot  na kisim aut kastoma blong ol.[RadioAustralia| AAP]

No comments:

Post a Comment