PNG Visa Loa ino Bikpela Wari long ol Australia Bisnis Laen

POT MOSBI - Port Moresby Chamber of commerce long Papua New Guinea itok ol niupela visa loa blong kantri ino bikpela wari tumas long ol bisnis laen blong Australia.

Port Moresby Chamber of commerce long Papua New Guinea itok tambu em gavman ibin putim long ol Australian pipal long kisim visa long ples balus ino nap kamapim bikpla wari tumas long ol bisnisman-meri husat i laik go long PNG.

President blong Chamber David Conn i mekim despla totok tripla dei bihaen long oli bin stat long bihaenim despla loa long Sarere March namba 1.

PNG gavman ibin kamapim despla loa long wonem gavman blong Australia ino laik givim visa long ol PNG citizen taem oli kamap long ol airport long Australia.

Mr Conn itok, ol bisnis pipol blong Australia igat ol staff bai wok long stretim ol visa blong ol so dispela ino wari long ol. [RadioAustralia]
Share 2 WA Share 2 G+

0 comments:

Post a Comment