PORT MOSBI - PNG Kristen Lidas Alaiens (PNGCLA) na PNG Kaunsel ov Sios (PNGCC) i autim bel hevi bilong ol long Praim Minista Peter O’Neill long hevi bilong ol Asailum Sika insait long wanpela nius konprens long dispela wik. Ol sios i gat bikpela wari long wanem, Praim Minista na kebinet bilong em i no kisim advais bilong sios lida long sainim agrimen wantaim Praim Minista bilong Australia, na tu, long oraitim lo bilong det penelti.
Insait long midia konfrens long Tunde long dispela wik, ol hetman bilong ol sios i tokaut long tingting sios i gat long sampela bikpela samting Praim Minista i mekim long gavman. Pater Danny Bray Guka, siaman bilong PNGCC i tokaut olsem gavman i luksave long PNGCC na PNGCLA olsem tupela ekumenikal bodi i stap, olsem na i gutpela sapos gavman i ken askim tingting bilong ol pastaim long mekim senis long lo o sainim agrimen olsem bilong ol Asailam Sikas na det penelti.
“Sios i luksave long wok bilong gavman na long taim nupela gavman i bin kamap, mipela givim taim long dediketim long God bihain long ileksen olsem na nau dispela Manus dil em i mekim sios i kirap nogut,” Pater Danny Guka i tok.
“Mipela save long namba wan agrimen we Gren Sif Se Michael Somare i bin sainim wantaim Praim Minista Howard bilong Australia, em long Manus bai stap olsem ples bilong sekim ol asailum sika na bihain salim ol i go long narapela kantri. Nau mipela kirap nogut olsem taim nupela Praim Minista bilong Australia i kisim gavman, em i no westim taim long kam long PNG long wok bilong sapotim Polis Fos, na Praim Minista bilong PNG i bihainim em isi tasol na tupela sainim dil long hap,” Pater Guka i tok.
Mipela lukim long nius olsem planti pipel i no amamas long ol dispela pasin gavman i mekim. I gat planti bagarap i ken kamap long ol pipel. Sios i wet long gavman i mas kisim tingting bilong em pastaim long mekim ol bikpela disisen i bringim senis long sindaun bilong ol pipel, bikos sios em i maus bilong God.
Mipela luksave long bikpela mani gavman bilong Australia i promis long givim long PNG aninit long dispela agrimen. Em i gutpela, tasol mipela i lukim olsem ol i wok long subim i go daun long nek bilong yumi. Ol sios i gat wok long lukautim ol pipel em wankain tasol long gavman, tasol sios i save go sanapim haus lotu na i stap wantaim ol pipel. Gavman i save go mekim wok projek na i save lusim long taim mani bilong projek i pinis, olsem na gavman i mas harim mipela,” Pater Guka i tok.
Long wankain taim tu, Siaman bilong PNG CLA, na hetman bilong Katolik sios long Pot Mosbi Daiosis, Asbisop John Ribat i tok long ol Asailum sika olsem ol i lusim ples bilong ol long painim gutpela sindaun we i no gat hevi long en na olsem na ol i tingting long Australia. Tasol nupela senis long Australia gavman i hukim PNG long namel nau. Ol pipel bilong Manus i tokaut pinis long nius olsem ol i wari long Kristen laip bilong ol, wok bilong ol na sefti bilong ol. Em i gutpela long gavman i mas harim tok bilong ol Manus.
“Mipela givim ful sapot long Praim Minista na long olgeta gutpela wok em i wokim nau long kantri tasol sampela taim em i mas kisim tingting bilong ol pipel pastaim. Dispela Manus dil i gat tu bel tingting long ol pipel. Ol benefit i kam i mas go long ol Manus pastaim na bihain tingim ol narapela hap olsem, UNITECH na Angau Haus Sik long Lae. Narapela sios lida em i makim ol pentekostal sios, Pasto Daniel Hewali i tok PNG i gat 98 pesen Kristen na tu em i sainim tok promis o kavanen wantaim Israel long mekim God bilong Israel i kamap God bilong PNG. Na taim gavman i mekim dispela kavanen, bihainim tok bilong God, dispela em i save gat bekim bilong em."
Sapos kantri i bihainim tok bilong God bai em i lukim gutpela samting i kamap, tasol sapos em i no bihainim laik bilong God, kantri i ken kisim bikpela bagarap. “Mi givim bikpela luksave long Praim Minista, olsem yu mekim gutpela wok, tasol bilong wanem na yu go long Australia na sainim agrimen bilong Asailum sika.
“Dispela ol pipel yu bringim i kam insait long kantri, em ol i save kilim man long holim bilip bilong ol. Dispela kantri em i gat bikpela blesing wantaim ol risoses na ol dispela lain nogut bai kamap birua long yumi,” Pastor Hewali i tok. Modereta bilong Yunaitet Sios, Rait Rev. Bernard Siai i tok,
“Mipela laik tokim gavman olsem ol sios i pre long yu. Long baibel gavman i save wok wantaim sios. King long olpela testamen i save kisim tingting bilong profet na bihain em i save mekim samting. PNG em i Kristen kantri olsem na olgeta samting yumi mekim em i mas bihainim tok bilong God. Mipela tokaut olsem Jisas em i Bikpela bilong PNG. Planti pipel i no harim yet dispela nius, tasol long ol lain i harim, planti bilong ol i no wanbel long Asailum sika dil. Mipela lukim olsem Australia wok long pusim ol Asailum Sika long kam long PNG tasol ol i laik go long Australia. Ol i no laik kam long hia,” Rev Siai I tok moa.
Pater Guka i tok, “Planti pipel i wok long tok olsem yumi i no inap long helpim ol narapela lain taim ol pipel bilong yumi yet i no gat ples na stap we yumi no stretim ol yet. Yumi amamas long helpim bilong Australia, tasol yumi mas luksave gut. Nogut basket mani bai pasim ai bilong yumi.”
Sios lida nau i tingting long raitim wanpela pas i go long Praim Minista na long ol memba bilong palamen long givim tingting bilong ol bihaimim dispela nius konprens na ol i singaut long ol Kristen long pre yet na God bai mekim gutpela samting. [WantoksNiuspepa]
Insait long midia konfrens long Tunde long dispela wik, ol hetman bilong ol sios i tokaut long tingting sios i gat long sampela bikpela samting Praim Minista i mekim long gavman. Pater Danny Bray Guka, siaman bilong PNGCC i tokaut olsem gavman i luksave long PNGCC na PNGCLA olsem tupela ekumenikal bodi i stap, olsem na i gutpela sapos gavman i ken askim tingting bilong ol pastaim long mekim senis long lo o sainim agrimen olsem bilong ol Asailam Sikas na det penelti.
“Sios i luksave long wok bilong gavman na long taim nupela gavman i bin kamap, mipela givim taim long dediketim long God bihain long ileksen olsem na nau dispela Manus dil em i mekim sios i kirap nogut,” Pater Danny Guka i tok.
“Mipela save long namba wan agrimen we Gren Sif Se Michael Somare i bin sainim wantaim Praim Minista Howard bilong Australia, em long Manus bai stap olsem ples bilong sekim ol asailum sika na bihain salim ol i go long narapela kantri. Nau mipela kirap nogut olsem taim nupela Praim Minista bilong Australia i kisim gavman, em i no westim taim long kam long PNG long wok bilong sapotim Polis Fos, na Praim Minista bilong PNG i bihainim em isi tasol na tupela sainim dil long hap,” Pater Guka i tok.
Mipela lukim long nius olsem planti pipel i no amamas long ol dispela pasin gavman i mekim. I gat planti bagarap i ken kamap long ol pipel. Sios i wet long gavman i mas kisim tingting bilong em pastaim long mekim ol bikpela disisen i bringim senis long sindaun bilong ol pipel, bikos sios em i maus bilong God.
Mipela luksave long bikpela mani gavman bilong Australia i promis long givim long PNG aninit long dispela agrimen. Em i gutpela, tasol mipela i lukim olsem ol i wok long subim i go daun long nek bilong yumi. Ol sios i gat wok long lukautim ol pipel em wankain tasol long gavman, tasol sios i save go sanapim haus lotu na i stap wantaim ol pipel. Gavman i save go mekim wok projek na i save lusim long taim mani bilong projek i pinis, olsem na gavman i mas harim mipela,” Pater Guka i tok.
Long wankain taim tu, Siaman bilong PNG CLA, na hetman bilong Katolik sios long Pot Mosbi Daiosis, Asbisop John Ribat i tok long ol Asailum sika olsem ol i lusim ples bilong ol long painim gutpela sindaun we i no gat hevi long en na olsem na ol i tingting long Australia. Tasol nupela senis long Australia gavman i hukim PNG long namel nau. Ol pipel bilong Manus i tokaut pinis long nius olsem ol i wari long Kristen laip bilong ol, wok bilong ol na sefti bilong ol. Em i gutpela long gavman i mas harim tok bilong ol Manus.
“Mipela givim ful sapot long Praim Minista na long olgeta gutpela wok em i wokim nau long kantri tasol sampela taim em i mas kisim tingting bilong ol pipel pastaim. Dispela Manus dil i gat tu bel tingting long ol pipel. Ol benefit i kam i mas go long ol Manus pastaim na bihain tingim ol narapela hap olsem, UNITECH na Angau Haus Sik long Lae. Narapela sios lida em i makim ol pentekostal sios, Pasto Daniel Hewali i tok PNG i gat 98 pesen Kristen na tu em i sainim tok promis o kavanen wantaim Israel long mekim God bilong Israel i kamap God bilong PNG. Na taim gavman i mekim dispela kavanen, bihainim tok bilong God, dispela em i save gat bekim bilong em."
Sapos kantri i bihainim tok bilong God bai em i lukim gutpela samting i kamap, tasol sapos em i no bihainim laik bilong God, kantri i ken kisim bikpela bagarap. “Mi givim bikpela luksave long Praim Minista, olsem yu mekim gutpela wok, tasol bilong wanem na yu go long Australia na sainim agrimen bilong Asailum sika.
“Dispela ol pipel yu bringim i kam insait long kantri, em ol i save kilim man long holim bilip bilong ol. Dispela kantri em i gat bikpela blesing wantaim ol risoses na ol dispela lain nogut bai kamap birua long yumi,” Pastor Hewali i tok. Modereta bilong Yunaitet Sios, Rait Rev. Bernard Siai i tok,
“Mipela laik tokim gavman olsem ol sios i pre long yu. Long baibel gavman i save wok wantaim sios. King long olpela testamen i save kisim tingting bilong profet na bihain em i save mekim samting. PNG em i Kristen kantri olsem na olgeta samting yumi mekim em i mas bihainim tok bilong God. Mipela tokaut olsem Jisas em i Bikpela bilong PNG. Planti pipel i no harim yet dispela nius, tasol long ol lain i harim, planti bilong ol i no wanbel long Asailum sika dil. Mipela lukim olsem Australia wok long pusim ol Asailum Sika long kam long PNG tasol ol i laik go long Australia. Ol i no laik kam long hia,” Rev Siai I tok moa.
Pater Guka i tok, “Planti pipel i wok long tok olsem yumi i no inap long helpim ol narapela lain taim ol pipel bilong yumi yet i no gat ples na stap we yumi no stretim ol yet. Yumi amamas long helpim bilong Australia, tasol yumi mas luksave gut. Nogut basket mani bai pasim ai bilong yumi.”
Sios lida nau i tingting long raitim wanpela pas i go long Praim Minista na long ol memba bilong palamen long givim tingting bilong ol bihaimim dispela nius konprens na ol i singaut long ol Kristen long pre yet na God bai mekim gutpela samting. [WantoksNiuspepa]
0 comments:
Post a Comment