LAE (MOROBE) - Lae Snax Tigers i hangamapim but bilong ol long sisen 2013 wantaim fainel pilai bilong wiken. Bihain long pilai insait long dispela bikpela pilai resis long kantri, Tigers i go aut wantaim dispela lus insait long fainel. Dispela nau i givim ol bikpela luksave olsem ol i wanpela strongpela tim agensim ol narapela tim long dispela bikpela pilai resis.
Bihain long nupela sponsa, Lae Bisket Kampani i kisim dispela tim long Lae Bombers, 2013 fainel em namba wan insait long liklik histori bilong ol insait long ragbi lig. Tigers i bin stat gut tru wantaim olgeta win bilong ol long hom pilai long stat bilong sisen, tasol ol pilai ausait long Lae i no gutpela tumas. Wanpela bikpela hevi bilong ol long pilai ausait em ol i lus long Wabag na pait i bin kamap we wanpela sapota bilong ol i dai, nai sampela i kisim bagarap. Na tupela kampani kar i bagarap olgeta.
Ol i bin kukim tupela kar na bagarapim olgeta, na Papua Niugini Ragbi Futbol Lig (PNGRFL) i stopim olgeta pilai long Aipus Oval long Wabag. Kosa Stanley Tepend wantaim ol yangpela pilaia bilong en i pretim planti tim olsem Goroka Lahanis, Mount Hagen Eagles, Mendi Muruks na Pot Mosbi Vipers long asples Lae Ragbi Lig pilai graun. Tasol ol i gat hevi long ol pilai ausait. Ol pilai bilong ol long Goroka, Lloyd Robson, Rabiamugl na Kokopo i no gutpela tumas. Na dispela i mekim ol i pundaun kamdaun long leda. Tasol long sampela taim i go pinis, ol i bin lukautim namba wan posisen tu na mekim ol narapela tim i pret. Tepend i kisim ol dispela bois bilong en long ausait i kam insait na wokim bikpela senis long pilai, tasol ol i nogat paia bilong pinisim dispela pilai bilong ol.
Kepten na fowet, Sydney Fred, na helpim bilong em Roy Kela na Dama Philip, tupela eksperiens pilaia long sait bilong Tigers i no inap kamapim sampela gutpela nem bilong Tigers. Long wanem, tupela laikim sapot bilong ol narapela fowet bilong ol. Ol beklain olsem Thompson Tete na Bina Wabo i sot long save tu na laikim sapot bilong ol narapela beklain. Tasol save i sot long ol fainel. Kain fainols olsem save nidim man wantaim eksperiens. Tigers i mekim gut long dispela yia na kam aut long fainol. Tigers em wanpela tim tasol long Noten Rijen. [WantokNiuspepa]
Bihain long nupela sponsa, Lae Bisket Kampani i kisim dispela tim long Lae Bombers, 2013 fainel em namba wan insait long liklik histori bilong ol insait long ragbi lig. Tigers i bin stat gut tru wantaim olgeta win bilong ol long hom pilai long stat bilong sisen, tasol ol pilai ausait long Lae i no gutpela tumas. Wanpela bikpela hevi bilong ol long pilai ausait em ol i lus long Wabag na pait i bin kamap we wanpela sapota bilong ol i dai, nai sampela i kisim bagarap. Na tupela kampani kar i bagarap olgeta.
Ol i bin kukim tupela kar na bagarapim olgeta, na Papua Niugini Ragbi Futbol Lig (PNGRFL) i stopim olgeta pilai long Aipus Oval long Wabag. Kosa Stanley Tepend wantaim ol yangpela pilaia bilong en i pretim planti tim olsem Goroka Lahanis, Mount Hagen Eagles, Mendi Muruks na Pot Mosbi Vipers long asples Lae Ragbi Lig pilai graun. Tasol ol i gat hevi long ol pilai ausait. Ol pilai bilong ol long Goroka, Lloyd Robson, Rabiamugl na Kokopo i no gutpela tumas. Na dispela i mekim ol i pundaun kamdaun long leda. Tasol long sampela taim i go pinis, ol i bin lukautim namba wan posisen tu na mekim ol narapela tim i pret. Tepend i kisim ol dispela bois bilong en long ausait i kam insait na wokim bikpela senis long pilai, tasol ol i nogat paia bilong pinisim dispela pilai bilong ol.
Kepten na fowet, Sydney Fred, na helpim bilong em Roy Kela na Dama Philip, tupela eksperiens pilaia long sait bilong Tigers i no inap kamapim sampela gutpela nem bilong Tigers. Long wanem, tupela laikim sapot bilong ol narapela fowet bilong ol. Ol beklain olsem Thompson Tete na Bina Wabo i sot long save tu na laikim sapot bilong ol narapela beklain. Tasol save i sot long ol fainel. Kain fainols olsem save nidim man wantaim eksperiens. Tigers i mekim gut long dispela yia na kam aut long fainol. Tigers em wanpela tim tasol long Noten Rijen. [WantokNiuspepa]
0 comments:
Post a Comment