KEREMA (GULP) - InterOil i tokaut long dispela wik olsem em redi long wok driling na eksploresen long Gulp provins wantaim $75 milian o klostu long K300 milien dinau mani. InterOil kampani i tok em kisim dinau long BSP na Westpac long mekim eksploresen na driling long Elk na Entelop long Petrolum Retensen Laisens 15, na tokaut olsem em statim tokotk wantaim Exxon Mobil long mekim dispela wok.
InterOil i tok em bai go het na wok wantaim ExxonMobil PNG long ges projek long kantri long givim gutpela sevis long ol se holda long Papua Niugini. Kampani Ekseketiv Vais Preseden bilong Korpret na Gavman Relisen, Keli Taureka i tok kampani i tokotk wantaimm nesenel gavman na Gulp gavana long wanem samting kampani i mekim long statim wok driling long ges na oil long Gulp.
Mista Taureka i tok olgeta aset na bisnis bilong OnterOil i stap long kantri na kampani i komited long helpim gavman long divelopim neturel risos. Mista Taureka i tok kampani em bikpela provaida bilong fiuel insait long kantri na amamas long strongpela pren namel long gavman, papagraun na kampani.
InterOil i tok sabsideri bilong em, InterOil Prodak Limited i sainim wanpela yia dinau wantaim Westpac Limited na BSPLimited long kampani ken yusim $75 milien long wok bilong driling na eksploresen. Mista TaurekaiI tok dispela dinau em bilong wok long eksploresen na driling wantaim $37.5 milian bilong yusim kwiktaim, taim kampani i sainim agrimen long statim wok long Elk na Entelope .
Kampani i tok i gat narapela K140 milien stap wantaim BSP na Westpac we kampani i no yusim yet aninit long daunstrim divisen na pruden kepitel menesemen. Taim kampani i tokaut long ripot bilong namba tu kwata bilong 2013 las wik ,kampani tok em bai mekim moa wok eksploresen patna long groim bisnis bilong em. [WantokNiuspepa]
InterOil i tok em bai go het na wok wantaim ExxonMobil PNG long ges projek long kantri long givim gutpela sevis long ol se holda long Papua Niugini. Kampani Ekseketiv Vais Preseden bilong Korpret na Gavman Relisen, Keli Taureka i tok kampani i tokotk wantaimm nesenel gavman na Gulp gavana long wanem samting kampani i mekim long statim wok driling long ges na oil long Gulp.
Mista Taureka i tok olgeta aset na bisnis bilong OnterOil i stap long kantri na kampani i komited long helpim gavman long divelopim neturel risos. Mista Taureka i tok kampani em bikpela provaida bilong fiuel insait long kantri na amamas long strongpela pren namel long gavman, papagraun na kampani.
InterOil i tok sabsideri bilong em, InterOil Prodak Limited i sainim wanpela yia dinau wantaim Westpac Limited na BSPLimited long kampani ken yusim $75 milien long wok bilong driling na eksploresen. Mista TaurekaiI tok dispela dinau em bilong wok long eksploresen na driling wantaim $37.5 milian bilong yusim kwiktaim, taim kampani i sainim agrimen long statim wok long Elk na Entelope .
Kampani i tok i gat narapela K140 milien stap wantaim BSP na Westpac we kampani i no yusim yet aninit long daunstrim divisen na pruden kepitel menesemen. Taim kampani i tokaut long ripot bilong namba tu kwata bilong 2013 las wik ,kampani tok em bai mekim moa wok eksploresen patna long groim bisnis bilong em. [WantokNiuspepa]
0 comments:
Post a Comment