Oceania Continental Cup i kamap long Fiji

NADI (FIJI) - Planti Triathletes blong ol kantri blong Oceania nau istap long Fiji long resis long Oceania Continental Cup long Nadi, long west blong kantri.

Planti Triathletes blong ol kantri blong Oceania nau istap long Fiji long resis long Oceania Continental Cup long Nadi, long west blong kantri.

Ol sportsman-meri blong Australia, Fiji, New Zealand, Papua New Guinea,Samoa na Solomon Islands istap long despla resis em bai kamap long Sarere.

Despla bikpla resis emi blong ol under 23 Triathletes na emi blong helpim ol long resis egensim ol wanlaen blong ol long ol narapla hap long wold.

Australia na New Zealand igat namba long despla kaen sport winim ol Pacific Island kantri, tasol tupla iwok long helpim nau ol Island kantri long strongim ol team blong ol.

PNG Triathlon Union itok despla resis bai redi-im tu ol Pacific Island triathletes long 2015 Pacific games long Port Moresby.

Stephen Damien, PNG Triathlon Union development officer istap nau long Fiji na emi tok despla resis emi gutpla taem blong ol Pacific Island Triathletes long lainim planti gutpla save long ol narapla Triathletes blong ol narapla em oli stap tu long Fiji nau. [ABC]
Share 2 WA Share 2 G+

0 comments:

Post a Comment