Meri husat igo pas long Human Rights komiti long North Bougainville na direkta blong Leitana Nehan divelopman agensy itok emi sapotim tru tingting blong PNG gavman long kamapim loa long stopim ol pipal long larim ol yangpla pipal em krismas blong ol istap aninit long wanpla ten eit krismas isave marit.
Mrs Helen Hakena itok PNG na ol narapla Melanesian kantri igat bikpla wari long planti pikinini meri isave karim pikinini taem krismas blong ol sitap aninit long wanpla ten eit krismas.
Long despla taem PNG ino gat loa long stopim ol yangpla pipal tru long marit, na oli laik lukim despla nupla loa iken lukautim laif na sidaon blong ol yangpla pikinini.
UNICEF itok olsem samting olsem tupla paen long ol yangpla pikinini meri long PNG isave marit pastem oli kisim wanpla ten faif krismas. [ABC]
0 comments:
Post a Comment