You Are Here: Home» nius , pacific games , pot mosbi , spots » 2015 Pacific Games long PNG bai nabawan tru: David Conn

POT MOSBI - 2015 Pacific games long Papua New Guinea  bai winim ol narapla Pacific Games blong bifo na ol pipal blong PNG i ready gut long lukautim ol pipal blong rijan long despla bikpla bung long mun bihaen.

Despla em toktok blong Chif Executive Ofisa blong Port Moresby Chamber of Commerce na memba blong Pacific Games Organising Committee David Conn.

Mr Conn i autim despla toktok wanpla mun stret pastem long oli opim Pacific Games long Port Moresby long namba 4 igo inap long namba 18 July.

Planti pipal iwok long wari olsem planti ples blong pilai bai no nap pinis taem oli statim Games, na tu olsem bai gat wari long ol wok securiti.

Tasol Mr Conn itok emi bilip despla games bai kamap gut tru. [ABC]

No comments:

Post a Comment