You Are Here: Home» asailum , australia , nius » Toktok long wanem Australia budget i minim long PNG na Pacific: Barker

SYDNEY (AUSTRALIA) - Long Australia, Federal Treasurer, Joe Hockey ibin tokaut long budget aste nait long Palaman na emi tok despla namba tu budget blong en i wanpla gutpla budget.

Wanpla samting em despla budget ibin soim em gavman i ibin katim halvim igo long planti kantri olsem ol kantri long Africa na tu emi bin katim gut halvim igo long Indonesia.

Moni em oli save givim igo long ol narapla kantri long despla faifpla yia ikam oli kating long samting olsem seven billion dolas.

Tasol tupla kantri long Pacific rijan, Papua New Guinea na Nauru em oli gat ol Australian asylum ditensan senta ino bin kisim taem long despla budget.

Australia ino bin katim tu halvim igo long ol narapla liklik ailan kantri we emi save helpim ol.

Long odio bai yu ken harim Paul Barker, Executive direkta blong Institute of national afeas long PNG  i givim lukluk blongen long despla tingting blong Australia long noken katim aid igo long ol Pacific Island kantri.[ABC]
Tags: asailum , australia , nius

No comments:

Post a Comment