You Are Here: Home» hagen , lo , mount hage , nius , pot mosbi , westen hailens provins » Ol Kaiwe Komiuniti Lida long Mount Hagen i go pas long Stretim Sanguma Heve

POT MOSBI - Ol komiuniti lida long Palimp 2 council ward long Mount Hagen Rural long Wesntern Highlands i wok had long stopim pait long kamap namel long Moga Nambka Melimp traib.

Dispela i bihainim sampela lain long Kaiwe komiuniti ibin paitim nogut tupela meri na kukim skin blong tupela long tupela Sande igo pinis.

Dispela em long tokwin olsem tupela meri ia ibin kilim dai sampela man insait long dispela traib long sorcery oa sanguma pasin.

Paul Petrus, Western Highlands Violence Response Team Leader itok narapela tupela man tu ol ibin paitim tupela long ol dispela tokwin long sorcery.

Em i tok ol komiuniti lida ibin tokim ol pipol long dispela bung long Sunday igo pinis olsem em ino bin gat evidens or pruf long sorcery ibin kamapim dai.

Mr Petrus i tok ol lida i askim strong tu long ol pipol i mas stap isi taim ol i weit long glasman igo tok klia long narapela bung long Sande i kam sapos sanguma ibin kamap trutru oa nogat.

Mr Petrus i tok ol polis ino bin stap insait long bung we oli ibin holim long Sande igo pinis. [RadioAustralia]

No comments:

Post a Comment