Aste National kot long Papua New Guinea i painim Jimmy Maladina siaman bifo blong National Provident Fund (NPF) ibin rong tru oa guilty long stilim K2.65 million wanpla ten seven yia igo pinis.
National Provindent Fund, emi wanpla laen oa organisation we ol wokman-meri long private sekta isave putim moni blong ol blong taem oli lusim wok oa retire.
Taem emi bin tokaut olsem Mr Maladina i bin rong long iusim despla bikpla moni, Deputy Chief Justice Sir Gibbs Salika ibin tok makim despla pasin blong en olsem wanpla kaen pasin nogut oa "money laundering" na emi bikpla giaman pasin oa "dishonest".
Mr Maladina nau i kamap olsem wanpla narapla lida long kantri em kot i painim em i rong long mekim ol korap pasin, wankaen olsem planti Palaman memba, em sampla long ol istap nau long kalabus long pasin korapsan.
ABC niusman long Port Moresby Wesley Manuai iwok long bihaenim despla stori long planti wik nau na emi tokim Radio Australia olsem kot i painim emi rong oa guilty long tupla samting.
Tasol deputi lida blong oposisan husat isave toktok tumas long despla wari blong korapsan na ol lida blong kantri, Mr Sam Basil itok emi hamamas olsem Mr maladina nau bai kisim mekimsave long despla pasin emi bin mekim, Mr Basil itok tu olsem ol narapla lida blong kantri tu ibin stap insaet long despla wari blong Natrional provindent fund. [ABC]
0 comments:
Post a Comment