Katolik Sios Agensim Death Panalty

POT MOSBI - Katolik sios long Papua New Guinea itok emi hamamas wantem toktok blong Praim Minista Peter O'Neill long lukluk gut ken long death penalty loa long kantri.

Toktok blong ol i kamap tede taem President Joko widodo blong Indonesia we emi gat death Penalty loa ikamap long Port Moresby.

President Widodo na sampla gavman lida blong en bai stap tupla dei long PNG.

Long stat blong despla yia oli bin tokaut olsem PNG gavman bai kilim 12 pela pipal em oli stap nau long death row, tasol ol sios iwok long sanap strong egensim despla death penalty loa.

Sampla toktok ikam long PNG itok olsem despla toktok blong Praim Minista Peter O'Neill long luklyuk gut ken long death penalty loa long kantri i mas kamap bihaenim planti toktok ikam long planti kantri long wold egensim pasin em Indonesia ibin mekim long kilim 7pela kalabusman, wantem tupla Australian zitizen long karim hait ol drugs. Oli bin planim despla tupla Australia, Andrew Chan na Myuran sukumaran long wik igo pinis long Sydney.

Father Victor Roche Secretary blong Catholic Bishops conference blong PNG na Solomon Islands i tok lotu Katolik ibin tok pinis em ino wanbel long death penalty.

Ol laen militari blong Indonesia bai save stopim iet ol niusman-meri i go insaet long ol provins blong Papua na West Papua maski sopos President Widodo itok bai oli stat long larim ol journalist igo long despla ol provins.

Ronnie Kareni, wanpla West Papuan activist long Australia i mekim despla toktok tede bihaen long President Widodo ibin raon igo long West Papua long wikend we emi bin rausim faifpla West Papuan pipal long kalabus na tokaut tu olsem bai ol niusman-meri iken go nau long Papua na west Papua.

Ol gavman blong Indonesia ino save larim ol niusman-meri blong ol narapla kantri long go insaet long Papua na West Papua long planti yia nau. [ABC]
Share 2 WA Share 2 G+

0 comments:

Post a Comment