Chief Bernard Otuana blong Samanago long Fauro Island i tok ol ino lukim wanpela sain blong ol agrimen long ol boda toktok namel long tupela kantri.
Mr Otuana i tok maski Solomon Islands gavmnan i putim sampela infrastrakja long boda, i nogat pipol long wok long ol.
Na em i tok long hap blong Papua New Guinea long sait long Bougainville, i nogat wanpela samting i stap.
Mr Otuana i tok i luk olsem tupela gavman wantaim i lus tingting long ol pipol we i stap long boda eria we i karamapim South Bougainville na ol ailan long Shortlands na hap blong Choiseul provins.
Em i tok Solomon Islands border patrol i stat tasol long last wik, bihain long ol ripot long pipol blong Bougainville i wokim reid long Shortlands.
Chief Oturna i tok, ol dispela reid em ol pipol long ol family blong tupela sait wantaim nau i kamapim - ino ol long Bougainville tasol.
Long wankain taim, em i tok ol pipol blong Shortlands i save go salim ol produce blong ol na bain olgeta samting ol i nidim long Buin taon.
Chief Otuana i tok dispela em i aninit long traditional border crosser we ibin stap namel long tupela pipol long taim blong ol tubina yet na bai em i go inap long wol i pinis. [ABC]
0 comments:
Post a Comment