You Are Here: Home» fred mambrasar , joko widodo , melanesia sperhead group , politik , pot mosbi » Fred Mambrasar i Les Tru long Indonesia i Kamap Memba blong MSG

POT MOSBI - Fred Mambrasar, lida blong ol West Papua long Papua New Guinea i tok Indonesia em i wanpela Asian kantri na em i noken kamap ful memba blong Malenesian Spearhead Group.

Mr Mambrasar i mekim dispela toktok  bihaen long Praim Minista Peter O'Neill ibin i tokim ol niusman-meri long Port Moresby aste  olsem em i laikim bai Indonesia i kamap memba blong MSG.

Praim Minista O'Neill ibin autim despla tingting blong en bihain long em ibin toktok wantaim President Joko Widodo blong Indonesia - pastaim long president i go bek long Indonesia.

Long despla taem laen blong United Liberation Movement for West Papua iwok long wetim askim oa application blong ol em oli bin givim pinis long ofis blong Melanesian spiahed grup long Vanuatu long joinim MSG olsem ol full memba.

Long stat blong despla yia Mr O'Neill ibin tokaut olsem PNG imas toktok olgeta taem long ol pasin nogut em Indonesia isave mekim long kilim nating nating ol pipal long West Papua, tasol astem emi bin mekim despla toktok long Indonesia i joinim MSG.

Fred Mambrasar  itok em iet na ol pipal bek long ples long West Papua ino wanbel wantem despla toktok blong Mr O'Neill.

Tasol, wanpla lida blong west Papua indipendans lida long PNG John Tekwie itok emi luksave long toktok blong Praim Minista O'Neill long sait blong ol wokbung namel long Indonesia na PNG.

Tasol emi laik long Indonesia i mas givim iet indipendans long West Papua sampla taem bihaen. [ABC]

No comments:

Post a Comment