You Are Here: Home» bisnis , divelopman , sasindran muthuvel , wes nu britain provins » Sasindran Muthuvel : Skelim Gut Paua blong ol Provins long Kamapim Developmen

POT MOSBI - West New Britain Gavana, Sasindran Muthuvel i mekim dispela toktok taim planti i toktok i kam kam aut long givim moa paua long ol provins long Papua New Guinea long ol i ken lukautim gut sait long development long ol komiuniti.

Gavman blong Papua New Guinea imas skelim paua igo long ol provinsal gavman blong larim ol iet i lukautim wok olsem Finance na takis long helpim ol wok divelopman long wan wan provins.

Despla em askim blong ol provinsal Gavana husat itok gavman long Port Moresby isave bosim olgeta moni na oli no wanbel long despla long wonem oli tok National gavman ino mekim gutpla wok.

Oli sutim tok long National gavman long kisim olgeta moni em ol provins isave kamapim.

Oli tok tu olsem Port Moresby citi iwok long kisim planti gutpla samting, tasol 21 ol narapla provins istap pua iet.

Sampla long ol despla lida itok, ating bai gutpla sopos ol provins igat autonomy oa lukautimj ol iet.

Tasol wanpla long ol despla Gavana, Sasindran Muthuvel blong West New Britain provins itok autonomy emi bikpla tingting tumas, tasol emi laikim gavman long dilim gut moni long ol provins. [ABC]

No comments:

Post a Comment