You Are Here: Home» gavman , melanesia sperhead group , nius , politik , provins » Problem long sapotim West Papua i stap long ol MSG lida yet: Ian Roni

POT MOSBI  - Lida blong Free West Papua Movement long Solomon Islands, Ian Roni i tok problem long sapotim West Papua i kamap memba blong Melanesian Spearhead Group em ino long Indonesia, em long ol MSG kantri yet.

Mr Roni i tok problem long dispela, em long wanem ol lida blong MSG ino bin wokbung long membership na ol isiu blong ol pipol blong West Papua.

Em i autim dispela toktok long wankain taim ol luksave long ol isiu na wok blong sapotim dispela free West Papua muvmen i wok long kamap moa long Solomon Islands.

Ian Roni husat i wanpela biknem musician tu long Solomon Islands itok, nabawan wok blong ol em long mekim gavman i sapotim West Papua i kamap memba blong Melanesian Spearhead Group.

Mr Roni itok sampela memba blong MSG ibin tokaut pinis long sapot blong ol long West Papua i kamap memba, tasol i nogat wanpela toktok i kam aut yet long Solomon Islands gavman. [RadioAustralia]

No comments:

Post a Comment