You Are Here: Home» click TV PNG , komuniti , kristen , nius , pot mosbi , seven de edventis sios , wokabaut » Hope TV Channel International, Nupela Kristen TV Sanel long PNG

POT MOSBI - Neks wik Trinde bai lukim wanpela Kristen telivisen sanel i  kam insait long PNG.

Hope TV Channel International em dispela nupela TV sanel bai kamap bihain long Click TV PNG na Seven De Edventis Sios (SDA) i  sainim wanpela agrimen long wok bung wantaim las wik.

Dispela bai namba wan taim long PNG bai kisim fri program long Click TVPNG. SDA Sios baiu no nap baim fi long program i  ran long PNG.

Menesing Dairekta bilong Clik TV PNG, Richard Broadbridge i  tok kampani bilong em i  amamas long patna wantaim SDA sios long PNG long kamapim program long pablik insait long dispela kantri we bai strongim famili na kalsa.

Hope TV em i  wanpela Kristen laipstail TV netwok i  stap long olgeta hap bilong wol.

I gat 23 Hope sanel long wol na ol i  ranim ol program long Kristen living, bodi, tingting, spirit, famili na komyuniti.
Click TV em i  dijitel brotkas pletfom nae m i  namba wan rijinol brotkasta long PNG i  givim ol edukesenel, rilijes na hai kwaliti lokol program long dispela kantri. [WantoksNiuspepa]

No comments:

Post a Comment