POT MOSBI - Praim Minista Peter O’Neill i tokaut olsem kamapim ol wok bilong baset na ki polisi long groim ikonomi bilong Papua Niugini i namba wan samting gavman i lukluk long mekim long 2014. Mista O’Neill i tok wok bilong 2013 mani plen na ol program i gavman i mekim i gutpela long 2013 tasol ol I mas mekim moa ol gutpela wok long 2014.
“Long mun Februeri 10 mi bai kamap siaman bilong Lidas Samit namel long olgeta minista na olgeta gavana we mipela bai lukluk long kamapim ol ki baset eria- olsem skul, helt , infrastraksa na lo na oda na wok bai kamap wantaim bikpela korperesen bilong olgeta gavman level”. Mista O’Neill i tok.
Em i tok dispela ki bung tu bai lukluk long hevi bilong westim taim bilong wok divelopmen we pepa wok save kisim long pela taim long bikpela level. Na bai nogat giaman pepa wok bilong wok kontrak na stilim pablik mani.
Mista O’Neill i tok long dispela yia bikpela mani long Nesenel Gavman bai stret long distrik na lokal gavman. Em i tok ol dispela mani i mas mekim gut wok long givim sevis long ol pipel.
Praim Minista i tok ol mun i kam long 2014, ol bikpela projek bilong gavman bai long distrik na provins i mas karim kaikai. Em i singaut long olgeta minista na gavana na dipatmen het long lukluk long dispela ol projek na mekim gut wok.
Mista O’Neill i tok wanpela bikpela lukluk bilong gavman long 2014 em long kamapim lo bilong pait agensim pasin korapsen – em long oraitim lo bilong ICAC bil long namba wan sindaun bilong Palamen long neks mun.
Mista O’Neill i tok em yet bai go pas long helpim ol liklik manmeri long SME bisnis long gro na sapotim ikonomi bilong kantri.
Mista O’Neill i tok SME i gat mani pinis long 2014 baset tasol em i toke m bai helpim ol sampela bikpela bisnis i stap pinis long kantri na long ovasis.
Mista O’Neill i tok gavman bilong em bai lukluk long katim daun ol kos bilong mekim bisnis insait long kantri. Em i tok planti senis bai kamap long rot bilong pepa wok long kisim mani helpim we ol I save weit longpela taim long kisim tok orait. [WantoksNiuspepa]
“Long mun Februeri 10 mi bai kamap siaman bilong Lidas Samit namel long olgeta minista na olgeta gavana we mipela bai lukluk long kamapim ol ki baset eria- olsem skul, helt , infrastraksa na lo na oda na wok bai kamap wantaim bikpela korperesen bilong olgeta gavman level”. Mista O’Neill i tok.
Em i tok dispela ki bung tu bai lukluk long hevi bilong westim taim bilong wok divelopmen we pepa wok save kisim long pela taim long bikpela level. Na bai nogat giaman pepa wok bilong wok kontrak na stilim pablik mani.
Mista O’Neill i tok long dispela yia bikpela mani long Nesenel Gavman bai stret long distrik na lokal gavman. Em i tok ol dispela mani i mas mekim gut wok long givim sevis long ol pipel.
Praim Minista i tok ol mun i kam long 2014, ol bikpela projek bilong gavman bai long distrik na provins i mas karim kaikai. Em i singaut long olgeta minista na gavana na dipatmen het long lukluk long dispela ol projek na mekim gut wok.
Mista O’Neill i tok wanpela bikpela lukluk bilong gavman long 2014 em long kamapim lo bilong pait agensim pasin korapsen – em long oraitim lo bilong ICAC bil long namba wan sindaun bilong Palamen long neks mun.
Mista O’Neill i tok em yet bai go pas long helpim ol liklik manmeri long SME bisnis long gro na sapotim ikonomi bilong kantri.
Mista O’Neill i tok SME i gat mani pinis long 2014 baset tasol em i toke m bai helpim ol sampela bikpela bisnis i stap pinis long kantri na long ovasis.
Mista O’Neill i tok gavman bilong em bai lukluk long katim daun ol kos bilong mekim bisnis insait long kantri. Em i tok planti senis bai kamap long rot bilong pepa wok long kisim mani helpim we ol I save weit longpela taim long kisim tok orait. [WantoksNiuspepa]
0 comments:
Post a Comment