GOROKA (ISTEN HAILANS) - Ogas 27 em i wanpela bikpela de bilong ol pipel bilong Goroka na Isten Hailans.Praim Minista Peter O’Neill wantaim klostu long olgeta memba bilong palamen na ol opisel delegesen bai pulim lain i go antap na kukim dispela provinsel kapitel long taim ol i sindaun na lotu long Nesenel De Pak. Nau yet, ogenaising komiti i wok hat long stretim gut ples na ol samting long kisim Mista O’Neill na delegesen bilong em.
Ogenaising komiti siaman na ekting provinsel edministresen Bill Kavanamur i tok, taim i wok long suruk i kam klostu na em i amamas olsem ol opisa bilong em long wanwan divisen long provins i wok long mekim gutpela wok long redim ples na ol samting long Goroka taun.
Em i tok, wok i kamap gut na tupela bikpela samting we bai i ken givim sampela problem o hevi em wara na pawa saplai bilong taun. Mista Kavanamur i askim Goroka Eben Lokel Levol Gavman na PNG Pawa long noken pasim wara saplai na kamapim pawa blek aut long taim praim minista na ol visita i kam long taun.
Em i tok, long sait bilong sekuriti, polis na CIS bai wokabaut long lukautim taun. Mista Kavanamur i tok, wokabaut bilong praim minista, ol lidaman-meri na ol visita em i bikpela samting long ol pipol bilong Goroka na Isten Hailans.
Olsem na em i askim olgeta manmeri long provins long stap isi, wokbung wetim dispela bikpela opisel wokabaut bilong praim minista na delegesen bilong em.
Dispela wokabaut bai lukim tu planti ol biknem sios pasta na ol arapela visita husat i redi long pulim lain i kam long ol arapela 6-pela provins long Hailans rigon na Madang na Morobe provins tu. [WantokNiuspepa]
Ogenaising komiti siaman na ekting provinsel edministresen Bill Kavanamur i tok, taim i wok long suruk i kam klostu na em i amamas olsem ol opisa bilong em long wanwan divisen long provins i wok long mekim gutpela wok long redim ples na ol samting long Goroka taun.
Em i tok, wok i kamap gut na tupela bikpela samting we bai i ken givim sampela problem o hevi em wara na pawa saplai bilong taun. Mista Kavanamur i askim Goroka Eben Lokel Levol Gavman na PNG Pawa long noken pasim wara saplai na kamapim pawa blek aut long taim praim minista na ol visita i kam long taun.
Em i tok, long sait bilong sekuriti, polis na CIS bai wokabaut long lukautim taun. Mista Kavanamur i tok, wokabaut bilong praim minista, ol lidaman-meri na ol visita em i bikpela samting long ol pipol bilong Goroka na Isten Hailans.
Olsem na em i askim olgeta manmeri long provins long stap isi, wokbung wetim dispela bikpela opisel wokabaut bilong praim minista na delegesen bilong em.
Dispela wokabaut bai lukim tu planti ol biknem sios pasta na ol arapela visita husat i redi long pulim lain i kam long ol arapela 6-pela provins long Hailans rigon na Madang na Morobe provins tu. [WantokNiuspepa]
0 comments:
Post a Comment