You Are Here: Home» aiambak , bisnis , gavman , helt , jane thomas , kelly kewa , lain , midel flai , patnasip , tedi mining , westen provins » Westen helt program kisim K20m

AIAMBAK (WESTEN) - Ok Tedi Mining Limited i fandim helt program we Jane Thomas na Asosiet o JTA i menesim long K20 milien tasol i gat nid long patnasip namel long Fly gavman, nesenel gavman na divelopmen patna long daunim ol kainkain sik long provins Progrem menesa bilong Helt Sevis JTA, Kelly Kewa i tok patnasip em nambawan rot long daunim ol kainkain sik long Westen provins.

Mista Kewa I mekim dispela tok las wikend long Aiambak, Midel Flai distrik long graun breking seremoni bilong K20milian helt program. EM i tok, 27 indiketa long kainkian sik long provins i stap long mak daunbilo long 50 pesen.

Em tok dispela em i mak nogut. Mista Kewa i tok marasin bilong kilim sik TB i no wok long planti bilong ol sik lain long Westen provins bilong wanem, planti hap long Westen provins i no gat besik helt sevis na ol siklain i no bihainim rot bilong kisim marasin. Mista Kewa i tok moa long 300 manmeri na pikinini i gat sik TB na stap long marasin na planti bilong ol i divelopim Malti Drag Resistens pinis na marasin ol kisim i no moa wok.

Mista Kewa tok planti TB lain i divelopim resistens bikos, ol ino kisim marasin long rot dokta i tok. Na ol i no go kisim marasin kwik taim ol i painim sik TB. Mista Kewa tok planti i no save kisim marasin bikos nogat helt senta o klinik klostu. Planti tu no save go riviu o sekim ol yet gen long haus sik.

Mista Kewa husat bosim helt program bilong JTA long Not na Midel Flai i tok, i gat bikpela wok tru long daunim kainkain sik long provins. Ol distrik long Saut na Midel flai na sampela long Not Flai i no kisim helt sevis long 22 yia, na kainkian sik bagrapim ol pipel na planti i dai.

Mista Kewa i tok Westen provins em bikpela tru na nidim patnasip namel long ol stekholda olsem gavman, Flai riva provinsel gavman, OTML, Nesenel gavman na ol arapela divelopme patna long wok bung long daunim ol hevi bilong sik. Mista Kewa i tok tim bilong JTA i mekim patrol raun long ol viles long Not na Midel Flai. Em tok JTA bai makim ol Viles Helt Volantia long ol viles na skulim ol long fes aid na ol arapela rot bilong helpim ol siklain. Nogat rot long planti hap long midel na Saut Flai na wara, huas sik, edukesen sevis na no gat aidpos long ol pipel kisim sevis.

Mista Kewa i tok aninit long OTDF na JTA progrem olgeta mama na pikinini bai kiism sut o imunaisesen na tim bai patrol long olgeta viles long sekim ol manmeri na . Westen provins em bikpela eria tru na no gat rot long planti viles, ol pipel save yusim bot o kalap long liklik balus long kisim sevis na dispela save kosim bikpela mani. [WantoikNiuspepa]

No comments:

Post a Comment