You Are Here: Home» lain , laip stail , pasifik gems , pot mosbi , spots , triathlon » Tean PNG i Kamap Nambawan Pasifik Triathlon Sempions

POT MOSBI - Team Papua New Guinea ibin kisim mak olsem sempion blong Pacific Triathlon Championship resis long Pot Mosbi long wikend.

Fiji ibin holim despla mak, tasol emi bin surik igo daon long namba tri bihaen long Guam ibin winim planti moa points na kamap namba tu.

Guam bai lukautim oa hostim Pacific triathlon Championships long 2013.

Fopla kantri em oli bin resis long despla Championship em Guam, Fiji, Papua New Guinea na Solomon Islands.

Ol kaen sport em oli bin resis long en em, resis long wilwil, resis long solwara na oli bin ron tu.

Mak blong ol kantri long despla championship olsem, Papua New Guinea ibin kisim nambawan ples, Guam ibin kisim namba tu ples, Fiji ibin kisim namba tri ples na Solomon Islands ibin kisim namba foa ples.

Redio Australia ripota John Papik itok Solomon Islands ibin salim liklik laen tasol na oli iusim despla championship long lainim sampla moa samting blong helpim ol i redi gut long Pasifik Gems long 2015 em bai kamap long Papua New Guinea. [RedioAustralia| ABC]

No comments:

Post a Comment