Long dispela nau Task Force Sweep i mekim fopela page advertisment oa toksave long Post Courier niuspepa long wok we oli wokim long dispela investigesen.
Displa toksave i strongim ol bikpla wok ol i mekim na imas mekim iet long paitim korapsen insait long gavman na kantri.
Siaman blong Task Force Sweep, Sam Koim itok oli no nap save tru na klia hamas long K12.8 bilian oli makim bilong Development Budget namel long 2009 na 2012 ibin igo lus nating long pasin korapsen.
"Long lukluk blong mipla na ol keis mipla i rejistretim pinis longen, mipla i lukim olsem inap long 25 pe sent long bajet blong kantri blong yumi, ol i wok long stilim, na painim aut longen."
Tasol igat planti blong displa moni i hat long painim bikos yumi inogat ol 'mechanisim' oa rot long painim. Na planti taim, displa ol stil pasin i kam long stil hait," em i tok.
Mr Koim i tok displa iet i mekim wok blong ol i hat long putim mak stret, tasol em i blip 40 pe sent blong PNG bajet i wok long lus long korapsen. [RedioAustralia]
0 comments:
Post a Comment