KOKOPO (IS NU BRITEN) - Long dispela wik, polis long Is Nu Briten Provins i holim pasim na sasim Peter Sharp, papa bilong sip MV Rabaul Queen i bin bungim birua las yia na planti pipel i bin dai. Ol bin sasim em long dai bilong 162 pipel ol bin painim dai bodi bilong ol bihainim birua bilong MV Rabaul Queen long Februeri 2 las yia.
Sip i wok long mekim ron i go long Lae, Morobe Provins, wantaim moa long 400 pasindia planti bilong ol i bilong ol Niugini Ailans provins olsem Is na Wes Nu Briten, Bogenvil, Nu Ailan na ol narapela moa. Em bin bungim birua long solwara bilong Finsafen, Morobe Provins na planti pipel i bin dai.
Ol bin painim bodi bilong sampela, tasol planti moa tu em ol i no bin nap long painim ol. Dispela em bikpela birua long solwara tru long histori bilong PNG. Wok painimaut i bin kamap long dispela.
Ol polis investigesen lain i skruim ol wok painimaut bilong ol we i lukim ol i holim pasim na sasim Mista Sharp long dispela wik. Mista Sharp i gat 69 krismas na em i bilong Scotland long Inglan.
Famili bilong em i stap long siping bisnis longpela taim na olsem, Mista Sharp i bin statim wok long siping bisnis taim em i gat 16 krismas. I kam inap nau, em i gat 53 krismas long wok long siping bisnis. Ol ripot i tok polis bai skruim yet wok painim bilong ol na ol bai holim pasim sampela moa woklain bilong MV Rabaul Queen.
Planti pipel long ol NGI provins i stap yet wantaim sori long ol family na hauslain bilong ol i lus long dispela sip birua. [WantokNiuspepa]
Sip i wok long mekim ron i go long Lae, Morobe Provins, wantaim moa long 400 pasindia planti bilong ol i bilong ol Niugini Ailans provins olsem Is na Wes Nu Briten, Bogenvil, Nu Ailan na ol narapela moa. Em bin bungim birua long solwara bilong Finsafen, Morobe Provins na planti pipel i bin dai.
Ol bin painim bodi bilong sampela, tasol planti moa tu em ol i no bin nap long painim ol. Dispela em bikpela birua long solwara tru long histori bilong PNG. Wok painimaut i bin kamap long dispela.
Ol polis investigesen lain i skruim ol wok painimaut bilong ol we i lukim ol i holim pasim na sasim Mista Sharp long dispela wik. Mista Sharp i gat 69 krismas na em i bilong Scotland long Inglan.
Famili bilong em i stap long siping bisnis longpela taim na olsem, Mista Sharp i bin statim wok long siping bisnis taim em i gat 16 krismas. I kam inap nau, em i gat 53 krismas long wok long siping bisnis. Ol ripot i tok polis bai skruim yet wok painim bilong ol na ol bai holim pasim sampela moa woklain bilong MV Rabaul Queen.
Planti pipel long ol NGI provins i stap yet wantaim sori long ol family na hauslain bilong ol i lus long dispela sip birua. [WantokNiuspepa]
0 comments:
Post a Comment