Pacific Sios Konfrens i Tokim Foram Lida long Toktok tu long West Papua

SUVA (FIJI) - Ol Pasifik Sios Konferens i askim strong ol Pacific lida long Pacific Islands Forum miting insait long Marshall Islands long toktok tu long wari blong West Papua.

Ol Pacific Island lida i mas toktok long wari blong ol West Papua pipal long bikpla miting blong Pacific Islands Forum emi go hed nau long Marshall Islands kepital, Majuro.

General Secretary blong Pacific Conference of Churches, Reverend Francois Pihaatae itok ol Pacific lida imas kamapim nau sampla strongpla rot blong sapotim indipendans blong ol pipal blong West Papua na ino ken lus tingting ol.

Wanpla MP blong Vanautu, Willy Jimmy i tok Vanuatu ino sanisim tingting na toktok blongen long ol sapot em i givim long West Papua.

Em i tok tupela bikpla isu ol i sapotim, em long West Papua na Kanaky long New Caledinia.

"Tupla isu ia em i stap wantaim long posisin blong Vanuatu long em i sapotim strong, tasol long sem taim, em i gud sapos ol Sios lida i toktok long West papua long Foram miting nau."

Fred Mombasa, wanpla West Papua lida long Papua New Guinea i tok tu olsem i gutpla long Pacific Sios Konfrens i askim ol lida long Marshall Islands long toktok long West Papua.

"Keis blong mipla ia, igo tasol ino mekim wanpla gutpla samting long sait blong MSG." [RadioAustralia]
Share 2 WA Share 2 G+

0 comments:

Post a Comment