Ol Pablik Sevis bilong Morobe Provinsel Gavman i slek Tumas

LAE (MOROBE) - Ol pablik sevis bilong Morobe Provinsel Gavman i slek na ino save long mekim wok bilong ol na sapos em inap bai em rausim ol long wok. Gavana bilong Morobe Provins Kelly Naru i mekim dispela tok. Em i tok planti ol divelopmen baset bilong ol long provins i no kamap na em i no save olsem wanem bai ol divelopmen insait long 9-pela distrik bai kamap.

"Planti ol driman tingting bilong mi insait long provins i no go het long wanem ol Pablik Sevan insait long provins i no wok. Ol divelopmen baset bilong ol distrik i no kamap long putim long baset bilong ol. "Ol manmeri husat bai mekim wok i slek na i no putim dispela plen. “Na dispela bagarapim ol plen bilong em long kirapim Provins," em i tokim ol niuslain long las wik.

Em i tok tu olsem planti sevis i no go long ol ples long wanem ol manmeri husat bai stap na kisim sevis i slek long mekim wok. Em i tok em i gat tingting long rausim ol long wok na kisim ol nupela wokman meri husat bai mekim wok. Gavana i tok em bai stat long opis bilong em yet na i go daun long distrik administreta long wanwan distrik level.

Long wankain taim tu, Memba bilong Palamen long Menyama, Philip Benjamin, i gat wankain hevi olsem. Ol pablik sevan bilong em long distrik tu i no wok na em kisim taim long givim sevis i go long ol lain bilong em long ilektoret.

"I mas gat gutpela luksave long wok namel long ol politikal lida, provinsel edministresen na ol tim lida na ol wokman. Nau yet, dispela ino stap olsem na nogat wok i kamap long distrik na provinsel level. Dispela i givim mi hetpen na mi wari olsem ol lain pipel bilong mi bai no inap kisim ol gavman sevis," em i tok. [WantokNiuspepa]
Share 2 WA Share 2 G+

0 comments:

Post a Comment