InterOil Winmani i Pundaun

POT MOSBI - Papua Niugini oil na ges kampani, InterOil i tokaut olsem winmani bilong em long namba tu kwata bilong 2013 i pudaun long $13.2 milian o moa long K35 milien na long wankain taim long 1012 winmani bilong kampani i pundaun long $31.7 milien o moa long K74 milien. InterOil namba tu kwata ripot go long Stok Eksens long las wik i soim olsem, maski kampani winmani i bin pundaun long bikpela milien kina, bisnis i l groa yet na em i kam antap long $18.5 milian o moa long K43 milien, na winim las yia winmani risalt.

Kampani i tok dispela pudaun bilong winmani i kamap bikos prais bilong krud oil, na ol prodak prais bin stap gut na las yia bikpela winmani i pudaun bikos ol dispela prais bin kam daun. Kampani i tok, inkam o reveniu bin go antap long $46.6milien o moa long K100milien bikos kampani bin salim planti prodak long namba tu kwata bilong 2013. Long namba tu kaeta, kampani salim totel volum bilong ol prodak sanap long 2.4 milien barels na long wankain kweta long las yia kampani salim 1.8 milien barel.

Sif Ekseketiv Opisa bilong kampani Dokta Michael Hession i tok, kampani gat bikpela na gutpela aset na bai gohet long oil, na ges bisnis long kantri. Dokta Hession i tok kamapni bai wok yet long divelopim kantri na i tok bai gohet long mekim planti bisnis long oil refaineri,holsel, na ritel petrolium distribusen, na wok long ges eria na eksploresen wok.

Em i tok bisnis divelomen bilong kampani bai go het long mekim planti elksploresen wok na bai putim bikpela mani long lukim wok kamap long Petrolum Prospekting Laisens 236 long Waho. Em i tok taim dispela kamap bai moa eksploresen patna kamapani bai mekim long kantri. Long wankain taim kapani i toktok wantaim Exxon Mobil PNG long kamapim wok long PRL 15 we Elk Entelop I stap. [WantokNiuspepa]
Share 2 WA Share 2 G+

0 comments:

Post a Comment