You Are Here: Home» ausaid , gary juffa , gavman , lida , moni , morobe provins , nius , politik » Gary Juffa i Tok ol Lida Ino Save Stilim Ausaid Moni

SYDNEY (AUSTRALIA) - Gary Juffa imekim despla toktok bihaenim ripot blong wanpla Televisan stesin olsem ol PNG lida isave stilim moni blong Ausaid.

Wanpla politisan blong PNG isutim tok long ol wok nius blong Australia long mekim toktok nating olsem ol PNG lida isave stilim moni blong Ausaid na baem ol bikpla haus long Australia.

Gary Juffa, Governor blong  Oro province na Commissioner blong  Customs bifo i mekim despla toktok bihaen long Television station Channel 7 ibin autim wanpla  report aste nait olsem ol lida blong PNG isave stilim moni blong Ausaid.

Mr Juffa itok tu olsem, emi save korapsan emi wanpla bikpla wari long  Papua New Guinea, tasol moni blong Australian Aid igo long PNG, Australian Government isave lukautim, ino Papua New Guinea.

Mr Juffa itokim mipla olsem emi laikim Ausaid long tok klia gut long ol pipal blong Australia olsem, moni blong ol ino save go long han blong PNG gavman, nogut ol Australian tax payers isave paul long despla.

Emi tok Australia gavman iet isave lukautim na skelim moni long ol kaen kaen wok emi wokim long PNG, na emi save givim ol despla wok long ol kampani blong Australia iet.

Olsem na emi laikim gavman blong Australia long tok klia gut long despla. [RadioAustralia]

No comments:

Post a Comment