You Are Here: Home» digicel faundesen , edukesen , isten hailens provins , lain , lufa , red top elementri skul » Digicel Opim Dabol Klasrum Long Lufa Red Top Skul

LUFA (ISTEN HAILANS) - Amamas i bin kilim stret planti ol manmeri na ol pikinini bilong Kiosa, Red Top na Furiri hauslain komyuniti long Lufa distrik, Isten Hailans long wik i go pinis long taim eria menesa bilong Digice, Shent Kiddie, i bin kamap na opim nupela dabol klasrum em Digicel Faundesen i bin sanapim na givim i go long Red Top elementri skul.

Dabol klasrum em ol i wokim long ain na i ken stap moa long 50yia. Sola penel tu em ol i fitim long givim lait insait long klasrum. Na i no dispela tasol, Faundesen i donetim tu wanpela tuffa tenk na tupela toilet bilong skul pikinini.

Isten Hailans Sinia Stendets opisa (edukesen) bilong ol elementri skul, Charlie Kavavina, i tok amamas long Digicel Faundesen na tokim ol tisa lukautim gut dispela skul em faundesen i givim.

Digicel eria menesa Shent Kiddie i tok, namba bilong ol dabol klasrum Digicel Faundesen i donetim i go long ol element skuls em 69, na narapela 58 klasrum em Faundesen i wokim na givim i go long ol praimeri skul insait long kantri.[WantokNiuspepa]

No comments:

Post a Comment