Bob Dadae na Siniwin i Wok Bung

LAE (MOROBE) - Tupela Memba bilong Palamen (MP) bilong Lae i bin bungim tingting na sainim wanpela pepa o memorandum ov andastending (MOA) long wok bung wantaim long bringim gavman sevis i go long Ilektoret bilong tupela. Memba bilong Kabwum Bob Dadae na wanwok bilong em long Nawaeb, Gisuwat Siniwin, i bin sainim dispela pepa long namba wan taim.

Tupela i bungim tingting long skelim ol risos bilong tupela na save na wok bilong kamapim ol gutpela rot netwok insait long ilektoret em bai tupela i skelim tu. Kamapim ol liklik kopi bisnis, kamapim gaden kaikai na painim maket bilong ol em bai stretim gut sampela save long ples tu.

Kamapim gutpela rot na komyunikesen netwok em wanpela hevi bilong dispela tupela ilektoret na em sampela eria we i gat bikpela nid, na tupela bai wok bung wantaim long daunim. Tupela memba, Dadae wantaim Siniwin, i stap insait long pati bilong Praim Minista, Peter O’Neill, na Pipel’s Nesenel Kongres (PNC), na ol i tingting long lukim Praim Minista na Gavana bilong provins, Kelly Naru.

Mista O’Neill i bin tok promis long givim wanpela K5milian long bungim tupela provins na go kamap long Raikos Madang. Dispela hap ol ples we i no gat rot i joinim ol. Na rot bilong ol long go kam long Lae siti em long ran long solwara o kisim balus.

Long wankain taim, Siniwin i tok ol i nidim K50 milien long kamapim ol rot netwok sistem insait long provins. Siniwin, husat i kamap memba namba wan taim i tok maski ol lain bilong em i skelim wanpela boda wantaim Lae siti, ol pipel i save lukim ol bikpela lait long ples, tasol nogat wanpela sevis i kamap long ol.

“Mipela i lukim dispela na laik kamapim sampela kain histori long bihain taim, na kisim ol sevis i go long ples." [WantokNiuspepa]
Share 2 WA Share 2 G+

0 comments:

Post a Comment