LAE (MOROBE) - Wok sekuriti blong PNG inap bagarap taim igat ol illegal gans igo insait long kantri.Pasin blong bringim hait ol gans na ol katress long Papua New Guinea istap yet olsem bikpela samting nau na dispela i kamapim bikpela wari long wok sekuriti.
Dispela em toktok blong Polis daireta blong Kriminal Investigaisen Chief Superintendent Donald Yamasombi,taim emi givim toktok blong em igo long Lae distrik kot.
Tupela man blong narapela kantri ibin bungim ol sas long stap insait long ol wok blong bringim hait ol "high power" gan na katress igo insait long PNG na polis ibin arrestim tupela.
Superintendent Yamasombi itok wok painim blong polis na kastoms igo long dispela heve ibin igo inap sampela taim pinis na oli bin nap painim olsem ibin gat planti samting isave igo na ikam insait long kantri.
Na long ol kain high pawa gan olsem Chief Superintendent Yamasombi itok Papua New Guinea inogat fektori long wokim ol kain gan olsem na oli save olsem sampela lain oa pipol imas bringim hait ikam insait long kantri.
Wok waus long ol boda blong Papua New Guinea wantaim ol narapela kantri ino save strong long wanem ino gat inap moni long igat pipol iwok long ol boda eria olsem Bougainville na Solomon Islands,Manus na Vanimo na long Daru inogat polis na ami istap long putim eye long ol dispela boda eria. [RadioAustralia| ABC]
0 comments:
Post a Comment