You Are Here: Home» lain , laip stail , pot mosbi , seven de edventis sios , sios , wokabaut » Olpela Dram bilong Seven De Edventis Sios (SDA) Gat Kik Yet

POT MOSBI - Dram bilong ben i ken kamap nupela na krai gut, tasol noken paul taim yu harim ol olpela dram bilong bipo yet bai yu ting em nupela. Wanpela grup bilong ol Seven De Edventis Sios (SDA) long ples Maopa i gat ol olpela dram set bilong bipo ol bin kisim long taim ol statim dispela grup bilong ol.

Dispela ol dram i luk olsem bilong ol polis ben, tasol bilong ol polis em nupela na krai bilong em i save gutpela na nais, bilong ol dispela SDA grup i olpela tasol taim ol i paitim krai bilong em i bikpela moa yet. Planti bilong ol yangpela yut bilong Maopa SDA i save go na lainim long paitim na long we bilong mas wantaim.

Ol tu save mekim stail mas bilong bihainim we bilong dram i pairap. Taim bilong bikpela bung long ples bilong ol o ol liklik ples long Aroma, ol i save go na paitim dram na kisim mas ol lain go insait long dispela bikpela bung.

Ol dispela yut lain i save lukautim gut tru dispela dram bilong ol long wanem ol painim hat yet long kisim ol nupela dram. [WantokNiuspepa]

No comments:

Post a Comment