Long sem taim Mr.Gari Baki,i askim gavman na ol bignem lida bilong Polis long lukluk na stat bihainim ol ripot bilong namba wan Ehanced Corporation Program pastaim long ol larem Australian Federal Polis long igo wok insait long PNG.
Mr. Barki i mekim despela toktok bihain tasol long PNG na Australia ibin tokorait long larim sampela lain police bilong Australia long igo wok insait long Papua New Guinea.
Namba wan Ehanced Corporation Program (ecp), em Australian Federal Polis ibin igo wok long Papua New Guinea ibin kamap long taim bilong Gari Baki ibin Komisena bilong PNG polis.
Em i tok, Polis Review Report bilong 2004 i luksave olsem olgeta memba bilong Royal Papua New Guinea Constabulary,i wok na bihainim dirction bilong polis.
Mr Baki i tok, long lukluk bilong em, dispela i min olsem, ol memba bilong Australian Federal Police igo wok long PNG aninit l ong ECP i mas pasim PNG polis uniform, bihainim lo bilong kantri, na wok poroman wantaim ol PNG polis ofisa na i mas i gat pawa bilong arest. [RadioAustralia]
0 comments:
Post a Comment