You Are Here: Home» betty palaso , bisnis , edukesen , intelnel reveniu komisen , lo , nius , pot mosbi , SIGTAS , takis » IRC i Senisim Progrem Bilong Kisim ol Takis

POT MOISBI - Intelnel Reveniu Komisen (IRC) nau i gat nupela sistem bilong kisim takis bilong gavman. Dispela sistem ol i kolim SIGTAS (Intergrated Government Tax Administration System).

Betty Palaso em Komisina Jeneral bilong IRC i tok amamas long ol sinia opisa bilong Komisin long gutpela wok ol i mekim wantaim ol kontrakta bilong SIGTAS long bringim dispela nupela takis sistem i kamap.

“Em i wanpela lek tasol mipela tromoi i go long stretpela rot. Wok i no bin pinis hariap tasol, mipela i laik mekim stret na gutpela isi we long kisim ol takis bilong gavman. Na mi tok tenkyu long ol wok lain husat i wok hat long mekim dispela wok kamap,” Mis Palaso i tok.

SIGTAS em i komputa progrem we gavman bai yusim long olgeta eria bilong kisim takis insait long kantri, na CRC em i saplaia bilong dispela progrem long wol. Dispela sistem bai kisim ples bilong narapela kompyuta progrem we i bin stap long 1990 i kam inap nau. Bisnis Analis Advaisa bilong iRC, Mista Christopher Anderson i bin mekim totktok bilong Edukesen na Awenes bilong ol Bikpela Bisnis i save peim takis long dispela taim insait long iRC opis yet long Pot Mosbi taun.

SIGTAS nau em i sofwe 22 kantri olgeta i yusim na ol lain i kam putim dispela sistem em ol i go pinis long planti ol kantri long kamapim dispela tu, laspela kantri em Afganistan. SIGTAS bai helpim iRC long kamapim nupela kain we bilong kisim stori bilong ol bikpela kampani na gavman ogenaisesen long peim takis. Planti wok bilong takis nau bai i kamap long komputa tasol.

Dispela sistem i makim bikpela investmen iRC i putim long kamapim gutpela sistem bilong kisim mani insait long PNG. Wanem kain helpim bai SIGTAS i kamapim? Em bai yusim ol rot bilong komyunikesen olsem ol telefon na intanet netwok nau i stap long kantri, long kamapim gutpela wok bilong menesmen na operesen. Ol kain wok we bai i kamap isi em; daunim kos bilong sekim na ronim ol lain i no save peim takis, kamapim gut we bilong mekim ol lain i peim takis gut, helpim i RC long yusim risk menesmen long kamapim gut moa we bilong sekim gut ol lain peim takis na long holim ol lain i no save peim gut takis.

Sistem bai daunim kos bilong iRC long toktok i go i kam wantaim ol lain i save peim takis, na ol arapela wok bilong takis tu bai i kamap isi na stret long ol wok lain bilong iRC. Ol teks peia nau bai kisim wanpela Tekspeia Aidentifikesen Namba (TIN), na i no Teks Fail Namba (TFN) moa olsem bipo. Olgeta iRC takis fom bai senis. Bipo ol i save yusim planti pepa long fom tasol nau bai olgeta toktok long ol fom i kamap long wanpela pepa tasol; kamapim nupela samting na mekim isi long bihainim. 19-pela fom i stap pinis nau wantaim ol lain i setim sistem na ol bai stat long salim i go aut long dispela yia. Em bai sotim taim bilong wok long ol teks fom.

Ol bai i hariap long sekim ol teks fom na bai i nogat paul. Ol toktok i go i kam long iRC bai i go stret tasol na ol i ken sekim gut na lukautim gut na bai i no nap lus long rot. Ol teks peia husat i givim takis bilong ol let em IRC bai i ken givim mekim save hariap tasol.

Nau bai olgeta ret bilong takis i wankain long olgeta manmeri i baimn takis. teks peia. IRC nau i tok strong long olgeta teks peia long ol i mas kisim apdetim olgeta lojmen na peimen bipo long SIGTAS i go laip bai ol i noken peim narapela kos. [WantokNiuspepa]

No comments:

Post a Comment