You Are Here: Home» bisnis , edukesen , gavman , komyuniksen , lain , peter o'neill , politik , saiens » Gavman i bekim K643,000 bilong UNESCO

Yunaitet Nesen Edukesen, Saiens na Komyuniksen (UNESCO) Jeneral Sekreteriet long PNG nau i kisim pinis mani mak bilong K643,000 long gavman bilong Peter O’Neill long bekim i go long UNESCO heto. Dispela mani em i bilong UNESCO we PNG i bin yusim long ol projek bilong Edukesen long 4-pela yia bipo, tasol ol i no bin kamapim ripot i go bek.

Olsem na UNESCO het opis long Paris, Frans i bin singaut long ol bai bekim hap mani olsem K643,000. Long dispela as, UNESCO het opis i bin stopim mani i kam long PNG Wok Bung Progrem i nap long 8-pela yia o foapela tu-yia taim. UNESCO i save givim mani bilong “Wok Bung Wantaim Progrem” long olgeta tu-yia taim taim PNG i bin .

PNG i kamap memba long 1976. Long wanpela nius konprens long wik i go pinis, Dairekta Jeneral bilong PNG UNESCO opis Yori Yei i tok, long wankain taim, ol i laik tokaut long pablik long wanem wok bilong UNESCO long wol. Em i tok UNESCO em i wanpela teknikal Ogenaisesen na em i hap bilong UN famili.

Em i gat bikpela wok tru i winim ol arapela UN opis. progrem.” Taim mani bilong “Wok bung Wantaim Progrem” i stop, ol arapela progrem bilong UNESCO long kantri olsem skolasip i wok long go yet.

Dispela mani we ol i no bin ripotim em ol mani Edukesen Dipatmen i bin yusim aninit long “Wok Bung Wantaim Progrem,” Mista Yei i tok ol i bin askim ol gavman bilong pastaim long helpim ol long bekim dispela mani tasol ol i no bin mekim. Nau em O’Neill-Dion gavman i kam gut na i wanbel long bekim dispela mani i go long UNESCO het opis na ol i amamas tru. Nau bai PNG i ken salim ol projek proposal i kam long UNESCO opis stat long Februeri 2014. Em i tok UNESCO em i wanpela bikpela opis tru long wok bung wantaim gavman.

PNG olsem memba bilong UNESCO i save peim samting olsem $600,00 olsem membasip fi bihain long olgeta tupela yia. Nau PNG i kamap wanpela memba insait long eksekeyutiv bilong UNESCO na em i makim 17 –pela kantri long Pasifik em Niu Silan na Australia wantaim taim Vais Minista bilong Edukesen i bin go long miting bilong UNESCO na i kam bek.

Dispela posisen bai i stap i nap long foapela yia long PNG bai bringim ol wari bilong Pasifik i go long bikpela opis. “Yumi bin mis aut long las 8-pela yia olsem na mipela laik tenkyu long O’Neill-Dion gavman long helpim long bekim dispela mani, na long Februeri 2014 bai yumi stat kisim ken mani bilong ol projeks” Mista Yei i tok. [WantokNiuspepa]

No comments:

Post a Comment