Displa film "I am a girl" i lukluk long ol isu blong violens, ol kaen kaen sik, poveti olsem inogat planti samting we, i mekim ol i save bungim planti heve long wol,
Rebecca Barry, wanpla 'award-wining film dairekta ibin bungim aidia blong film taim em go raun long Samoa, long laif na sidaun blong ol yangpla meri raun long wol.
Displa film bai ol i soim insait long Sydney na Melbourne long dispela tupela wik ikam.
Wanpla stori i bihainim wanpla yangpla meri insait long Papua New Guinea.
Rebecca Barry i tok "displa aidia ibin kamap taim em i lukim wanpla Plan Australia magazine insait long 'waiting room' long lukim wanpla dokta long Samoa. Kempein insait long magazine i tok 'That because I'm a girl" i skelim ol wok painim blong Plan Australia long laif blong ol gel raun long wol."
Planti laen, wantaim tu ol Sios, Gavman na ol NGO igat planti wokbung blong traim sapotim wok insait long komuniti long mekim ol gel igo skul, kisim gut edukeisin, sanisim laif blong ol na rait blong ol. Displa em wanpla bikpla salens iet.
ChildFund PNG i wanpla long ol NGO i wok 18-pla yar insait long Central na Gulf Province blong Papua New Guinea.
Fiona Fandim, sinia program ofisa wantaim ChildFund Papua New Guinea i tok ol i save wokbung wantaim ol komuniti long sait blong helt. edukeisin, yut, rait blong ol pikinini na violens.
'Mipla i save holim wok painim aut na ol aweanes wantaim komuniti na ol iet i save edukeitim ol narapla pipol long kisim displa save igo long ol vilij pipol long noken paitim meri, oa ol loa i stap long halvim ol na tu rait blong salim ol pikinini igo skul." [RadioAustralia| ABC]
0 comments:
Post a Comment