You Are Here: Home» bisnis , charlse abel , edukesen , gut , huwei teknoloji , informesen , kristen , nius , peter o'neill , pot mosbi , teknoloji » e-ID Kad em i no 666

POT MOSBI - e-ID Kad sistem we kampani bilong kantri Saina, Huwei Teknoloj i go pas long kisim infomesen bilong ol sitisen bilong dispela kantri long 89 distrik em bilong helpim gavman, bisnis na wanwan manmeri na ol pipel long kantri mas noken prêt olsem dispela em wok bilong satan o opim rot bilong namba 666.

Taim gavman i tokaut long plen bilong em long kisim infomesen bilong olgeta sitisen na putim long wanpela infomesen senta o databes, planti pret tokotk i ron namel long planti manmeri na tu long ol Kristen olsem dispela e-ID bai bringim 666 kam long ol manmeri bilong God olsem baibel long Revelesen 13, i tok.

Infomesen Teknoloji Darekta bilong Leba Dipatmen, Kingsley Isaiah, long wanpela miting bilong Sab Komiti bilong Pablisiti bilong dispela e-ID kad projek long Pot Mosbi i tokaut klia olsem dispela e-ID em i bilong bungim olgeta infomesen bilong ol citisen bilong kantri long wanpela databes long helpim olgeta gavman dipatmen na em i no 666, na tok Pablisiti Sab Komiti wantaim midia i mas yusim rait wod o mekim moa awenes long ol Kristen long kantri bai klia long wanem wok gavman i laik mekim. Mista Isaiah tu em i boss man bilong Infomesen Teknoloji we gavman makim long go pas long dispela e-ID sistem i tok gavman bai bunigm olgeta infomesn bilong wanpela hap na bai luksave long olgeta sitisen.

Mista Isaiah tok, e-ID em i no bilong putim liklik maikrosip o grein olsem sais bilong rais grein long rait han na poret bilong ol manmeri. Mista Isaiah i tok klia olsem dispela em ID kad we bai gat piksa bilong ol man we bai gat7-pela infomesen bilong wanwan bai stap na wanwan bai karim raun olsem ID kad bilong ol em tok tai mol lusim ol ken kisim nupela gen.

Minista bilong Nesenel plening, Charlse Abel i makim maus bilong O’Neill gavman na givim blesing pinis na wok i stat pinis long dispela e’ID kad. Opis bilong Nesenel Plening na opis bilong Nesenel Stetistiks go pas long dispela e-ID kad projek wantaim bikpela kontrakta bilong Kantri Saina, Huwei Teknoloji i statim wok pinis we ol mekim namba wan raun long sampela provins na distrik na ol skul pinis long kisim tingting bilong ol man meri long mekim dispela projeki karim kaikai long yia 2016.

Dispela tim i kam bek na nau ol I bungim tingtign wantaim long kmapim plen long rot bilong givim gutpela skul tok long olgeta pipel long kantri long mas save gut long wanem em e-ID kad na ol benefits o ol gutpela samting ol pipel , bisnis na gavman bai kisim long dispela e-ID Kad sistem Pablisiti Sab-Komiti i tok long rausim kain prêt tingitng long dispela projek, midia tim bilong ol sios bai wok wantaim Pablisiti Sab Komiti long toksave long ol sios memba bilong ol long luksave gut long dispela projek. Dispela e-ID bai kamap olsem ID kad bilong ol long helpim ol pipel long kisim wok, opim benk akaun,kisim lon long benk, na kisim balus. Em tu bai helpim gavman long taim bilong vot, daunim hevi bliong loa na oda,na bai kamap ki infomesen bilong olgeta gavman dipatmen we gavman ken yusim na plenim divelopmen bilong kantri.

Dispela e-ID bai nogat sas bilong em na gavman bai stat long kisim infomesen na piksa bilong husat gat krismas 17 i go antap. Dispela em i no nupela projek. Em bin stap pinis long sampela kantri long planti yia pinis. Fingaprin olsem baio metrik data em stap longpela taim long wol pinis na planti kantri i yusim pinis na long PNG planti populesen i no save long rit na rait so ol prêt tasol em i moa gutpela long divelopmen na bai helpim long daunim ol kainkain pasin bilong brukim loa. [WantokNiusPepa]

No comments:

Post a Comment